कक्षा ११ र १२ मा अध्ययनरत दोर्साे त्रैमासिक परीक्षामा सम्मिलित परीक्षार्थीहरुमध्ये ३ दशमलव ६५ जि पि ए ल्याउने १७ जना विद्यार्थीहरुलाई नगद र १० हजार तथा ३ महिनाकाे मासिक शुल्क छुट साथै ३ दशमलव ४४ जिपिए भन्दामाथि ल्याउने ४६ जना परीक्षार्थीहरुलाई नगद तीन हजार र ३ महिनाकाे मासिक शुल्कमा छुट सहित सम्मान तथा पुरस्कृत गरेको हो ।

अभिभावकहरूकाे बाक्लो उपस्थितिमा सार्वजनिक भएको परीक्षाफलमा उत्कृष्ट जि पि ए ल्याउने विद्यार्थीका अभिभावक सहित सम्मान गरिएको हाे। परीक्षाफल सार्वजनिक कार्यक्रममा उत्कृष्ट अंक ल्याउने विद्यार्थीलाई थप प्रोत्साहन मिलोस भनेर निरन्तर विद्यालयले सम्मान गर्दै आएको उल्लेख गर्दै प्राचार्य दिनेश भुसालले आगामी दिनमा पनि विद्यार्थीलाई थप प्रोत्साहनका लागि सम्मान तथा पुरस्कृत गर्दै जाने बताए ।

माघ महिनाको २६ गते भएको Web project development compettion मा उत्कृष्ट प्रर्दशन गरि कक्षा १२ मा अध्ययनरत अर्पनकाे समूह प्रथम , सविनकाे समूह द्धितिय र आशिषकाे समूह तृतिय भएका छन् भने कक्षा ११ तर्फ विकल्प खत्रीको समूह प्रथम,अङ्कितकाे समूह र राेजनकाे समूह द्धितिय र अनुपकाे समूह तृतिय भएका थिए ।

उक्त कार्यक्रममा प्रथम , द्वितिय तथा तृतीय हुने विद्यार्थीहरुलाई परीक्षाफल सार्वजनिक कार्यक्रममा नगद तथा प्रमाण पत्रले सम्मान गरिएको थियो । राष्ट्रपति रनिङशिल्ड प्रतियाेगिता २०७९ मा सहभागी भइ बुटवल उपमहानगरपालिकामा तृतीय स्थान प्राप्त गर्न सफल भएकोमा विभिन्न विधामा उत्कृष्ट खेलाडीलाई सम्मान समेत गरिएको प्राध्यापक सुमन भुसालले बताए ।

विद्यालयका व्यवस्थापन समितिका अध्यक्ष दुर्गादत्त भण्डारीको अध्यक्षतामा भएको कार्यक्रममा सञ्चालक समिति सदस्य ललितप्रसाद खरेल, अक्सफोर्ड कलेजका क्याम्पस प्रमुख मनोज मरासिनी ,अध्यक्ष अजित खनाल प्राध्यापक सुमन भुसाल र नारायण सापकोटा लगायतले विद्यार्थीलाई सम्मान तथा पुरस्कृत गरेका थिए । विद्यालयका प्राध्यापक सुमन भुसालको सञ्चालनमा भएको कार्यक्रम विभिन्न क्षेत्रमा विशिष्ट भूमिका निर्वाह गरेका शिक्षक तथा कर्मचारीहरुलाई समेत सम्मान गरिएको थियो ।

विद्यालयले गरेको नतिजा प्रकाशन कार्यक्रममा १३४३ जना अभिभावकहरुको उपस्थिति रहेको विद्यालयका शिक्षक लक्षमण घिमिरेले बताए । अक्सफोर्डमा अध्ययन गर्ने विज्ञान र व्यवस्थापनमा उत्कृष्ट नतिजा ल्याउने विद्यार्थीलाई सम्मान तथा पुरस्कृत गरिएको हो ।