भैरहवा क्षेत्रको सबैभन्दा पुरानो र सरकारी अस्पतालको रुपमा रहेको भिम अस्पतालले क्षमताभन्दा बढी सेवा दिइरहेको छ । ५० वेड क्षमता रहेको अस्पतालले १२० जनासम्म बिरामीलाई एकै पटक सेवा दिइएको पाइएको छ ।
वर्ष भरि गरेको प्रगति र कामको समिक्षा गर्दै अस्पतालले कर्मचारीको सामूहिक प्रयासले अस्पतालले लक्ष्यभन्दा बढी प्रगति हासिल गरेको अस्पतालकी मेडिकल सुपरीटेण्डेण्ट डा. शकुन्तला गुप्ताले बताइन । अस्पतालले आर्थिक वर्ष २०७८-०७९ मा सञ्चालित स्वास्थ्य कार्यक्रमहरु उत्कृष्ट रहेको र केहीमा सुधार गर्नुपर्ने देखिएको निश्कर्ष निकालेको छ । ‘सीमित जनशक्ति र स्रोत साधनले कर्मचारीले धेरै नै प्रशंसनीय काम गरेका छन्, १ जना नर्स बराबर १३ जना बिरामीलाई सेवा दिनु भनेकै जनशक्तिको अधिकतम प्रयोग अस्पतालले गरेको हो ।’–मेसु गुप्ताले भनिन् ।
अस्पतालको सेवाहरु विस्तार हँुदै जाँदा स्वास्थ्य सेवा लिनेको संख्यामा पनि धेरै नै परिवर्तन भएको छ । बहिरंग सेवामा दैनिक १७५ जनासम्म बिरामीहरु सरदर अस्पताल आइरहेको तथ्याङ्क छ, भने प्रयोगशाला, सर्जरी र प्रसुतीमा पनि सेवाग्राही बढिरहेका छन् । यो अस्पतालको लागि राम्रो पक्ष हो । पूर्वाधार निर्माण र उपकरणहरु थपिदै गए पनि जनशीक्त, अभाव कायमै छ ।
अस्पतालले थप जनशक्तिबाट विशेषज्ञ सेवाहरु पनि थप्ने क्रममा छ । सर्जन, अर्थपेडिक, जर्नल फिसिजयन र रोडीयोलोजीको विशेषज्ञ सेवा दिनका लागि अस्पतालले प्रक्रिया अगाडि बढाएको छ, भने सिटी स्क्यान, ब्लड बैंक ल्याबमा पनि थप सेवाहरु र सरकारी सेवा बाहेकका अन्य सेवा हरु पनि अस्पतालले विस्तार गर्न लागेको अस्पताल प्रशासनले जानकारी दिएको छ ।
