बुटवल । आफ्नो स्थापना दिवसको अवसरमा बुटवलको शुभागमन बचत तथा क्रृण सहकारी संस्था लिमिटेडले बुटवल ७ मा रहेको निलकण्ठ बाबाधाममा खाद्यान्य सहयोग गरेको छ । मंगलबार एक कार्यक्रमको आयोजना गरी सहकारीले आफ्नो ११ औं स्थापना दिवसको अवसरमा खाद्यान्य सहयोग गरेको हो ।
सहकारीका अध्यक्ष हरि प्रसाद पौडेलले प्रत्येक बर्ष स्थापना दिवस रचनात्मक कार्य गर्दै मनाउने गरिएकोमा यस पटक निलकण्ठ बाबा धामलाई खाद्यान्य सहयोग गरिएको र आगामी दिनमा पनि सहयोगलाई निरन्तरता दिने बताए ।
सहकारीले बचत तथा क्रृणको कारोबार गर्ने मात्र नभई सामाजिक उत्तरदायित्व अनुसार सरसफाई कार्यक्रम, बृक्षारोपण, खाद्यान्य सहयोग जस्ता कार्यक्रम गर्दै आएको उनले बताए । त्यस बाहेक सहकारीका सदस्यलाई स्वरोजगार, आत्मनिर्भर बनाउन पनि सहकारी लागेको उनले बताए ।
खाद्यान्य सामाग्री बुझ्दै निकलण्ठ बाबाधामकी अध्यक्ष बेदमाया भटट्राईले धाममा सन्तोषीमाता गुरुकुल विद्यालय सञ्चालनमा आएपनि सरकार बाट सधै उपेक्षामा परेको बताए ।
खाद्यान्य सहयोग कार्यक्रममा धामका उपाध्यक्ष चुरामणी पौडेल, सहकारकिा निवर्तमान अध्यक्ष शालिकराम पौडेल, उपाध्यक्ष कुलप्रसाद बस्याल, कोषाध्यक्ष सुवास ढकालं तथा सचिव विष्णु प्रसाद भण्डारी लगाएतले बोलेका थिए ।
