शाखाको कार्यक्षेत्रभित्र पर्ने ९ वटा नोट कोषमध्ये ८ वटामा रकम ट्रान्सफर गरिएको थियो भने पूर्वी रुकुमस्थित नोट कोषले यसपटक माग नगरेको जानकारी दिइएको छ। भदौ २९ गतेदेखि असोज १० गतेसम्म सम्भव भएसम्म नयाँ नोट र नयाँ नोट सकिएपछि सुकिला नोट वितरण गरिएको पाण्डेले बताए।

उनका अनुसार सिद्धार्थनगर शाखाबाट मात्रै ५ देखि १०० रुपैयाँसम्मका १० करोड ५९ लाख ३९ हजार २३० रुपैयाँ सटही भएको छ। यस अवधिमा ८ हजार ४८८ सेवाग्राहीले सुकिला र नयाँ नोट प्राप्त गरेका थिए। सर्वसाधारणलाई सहजताका लागि शाखाले ४ वटा काउण्टर खोलेर नोट सटही गरेको थियो। गेटमै टोकन मेसिन राखेर टोकनका आधारमा सेवा दिइएको भए पनि सर्वसाधारणले भने सुकिला नोट पर्याप्त नपाएको गुनासो गरेका छन्।