‘बड्की आइतबार’ पर्वको अवसरमा रुपन्देहीका १४ स्थानीय तहमा आइतबार स्थानीय बिदा लुम्बिनी सांस्कृतिक नगरपालिकाका प्रमुख सजरुद्दिन मुसलमानको निधन मर्चवारको समृद्धिको जिम्मा एमालेले लिन्छ : अर्थमन्त्री पौडेल रूपन्देहीका दुई गाउँपालिकाका पूर्वअध्यक्ष लगायत एमालेमा प्रवेश निष्ठा बचत तथा ऋण सहकारीको १६ औँ वार्षिक साधारणसभाः कुल पुँजी २७ करोड पुग्यो बुटवलमा वेनकार्डोको डिलर मिट, आगामी विजेनेश प्लान बारे छलफल रास्वपाको ‘प्राइमरी इलेक्सन’ सम्पन्न, १५६७ मत खस्यो नापी हाकिमको अवैध सम्पत्ति पौने ६ करोड, २ छोरा र श्रीमतीसमेतलाई भ्रष्टाचार मुद्दा रास्वपाको प्रारम्भिक निर्वाचन : हिजाे ४२ प्रतिशत मतदान भयाे, आज कति हाेला ? जजिरा र थाई एयर एसियाले भैरहवामा पुनः उडान गर्ने                
समाचार :

रोट्रयाक्ट डिस्ट्रिक्ट ३२९२ नेपाल भुटानको १८औं डिआरआर पदस्थापन समारोह बुटवलमा सम्पन्न 

बुटवल । रोट्रयाक्ट डिस्ट्रिक्ट ३२९२ नेपाल भुटानको १८औं डिआरआर पदस्थापन समारोह बुटवलमा भव्य रूपमा सम्पन्न भएको छ।

रोट्रयाक्ट डिस्ट्रिक्ट ३२९२ को आयोजना रोट्रयाक्ट डिस्ट्रिक्ट अन्तर्गतका २१ वटा क्लबहरुको आतिथ्यता र ०७ वटा क्लबहरुको सह आतिथ्यतामा सम्पन्न कार्यक्रममा रोट्रयाक्ट डिस्ट्रिक्ट ३२९२ वर्ष २०२४-२५ का डिआरआर विक्रम क्षेत्रीको अध्यक्षतामा पहिलो सत्र र वर्ष २०२५-२६ का नवनियुक्त डिआरआर दिनेश गैरेको अध्यक्षतामा दोस्रो सत्रको कार्यक्रम सम्पन्न भएको हो ।

कार्यक्रममा प्रमुख अतिथिका रूपमा रोटरि डिस्ट्रिक्ट ३२९२ का गभर्नर इलेक्ट रोटरियन विष्णु बहादुर कार्कीको उपस्थिति रहेको थियो भने बिशिस्ट अतिथिको र रूपमा रोटरी डिस्ट्रिक्ट सल्लाहकार समितिका को- चिफ रोटरियन प्रोफेसर डा. रामचन्द्र आचार्य, डिस्ट्रिक्ट मेम्बरसिप कमिटी चेयर रोटरियन लक्ष्मण ज्ञवाली, आईसिएम चेयर रोटरियन कृष्ण प्रसाद पाण्डे इनट्रयाक्ट डिस्ट्रिक्टका डिआइआर सुसान्त अधिकारी , रोट्रयाक्ट डिस्ट्रिक्ट ३२९२ का डिआरआर इलेक्ट प्रकाश शर्मा , आइपिडिआइआर दिप्शन अधिकारी लगायतको उपस्थिति रहेको थियो।


समारोहमा वर्ष २०२४-२५ का डिआरआर विक्रम क्षेत्री विक्रम क्षेत्रीको र वर्ष २०२५-२६ का नवनियुक्त डिआरआर दिनेश गैरेको परिवारका सदस्यहरू, रोटरीयनहरु, विभिन्न रोट्रयाक्ट क्लबका अध्यक्ष , पुर्ब अध्यक्ष , पदाधिकारीहरू एवं रोट्रयाक्ट सदस्यहरु विभिन्न संघसंस्थाका प्रतिनिधिहरू गरि करिब ५०० जनाको सहभागिता रहेको थियो।

कार्यक्रमको विशेष आकर्षणको रूपमा नेपाली चलचित्र “मोहर” टिमको उपस्थिति रहेको थियो। प्रमुख कलाकारद्वय पल शाह र बेनिशा हमाल, निर्माता रोटेरियन चुम्बन जंग शाही, नायक पल शाह नायिका बेनिसा हमाल लगायतका कलाकार तथा प्राविधिकहरूले कार्यक्रममा सम्बोधन गर्दै युवाहरूमाझ सकारात्मक सन्देश प्रवाह गरेका थिए ।


वर्ष २०२४-२५ का डिआरआर विक्रम क्षेत्री र वर्ष २०२५-२६ का नवनियुक्त डिआरआर दिनेश गैरेको होम क्लब बीच झण्डा साटासाट गरिएको थियो भने नवनियुक्त डिआरआर दिनेश गैरेलाइ गङ ग्याबल पनि हस्तान्तरण गरि पद हस्तान्तरण गरिएको थियो। सो अबसरमा रोट्रयाक्ट डिस्ट्रिक्ट कमिटीका सदस्यहरुलाइ पद तथा गोपनियताको सपथ ग्रहण समेत गराइएको थियो भने नवनियुक्त डिआरआर दिनेश गैरेले बर्ष २०२५/२६ का लागि आफ्ना कार्ययोजनाहरु प्रस्तुत गरेका थिए ।

कार्यक्रममा विभिन्न नृत्य प्रस्तुतिहरू, बिगतमा रोट्रयाक्ट डिस्ट्रिक्ट कमिटीमा रहेर काम गर्नु भएका अग्रज एवं पुर्ब रोट्रयाक्टरहरु सम्मान , विभिन्न सम्झौताहरूमा हस्ताक्षर , आतिथ्य तथा सह आतिथ्य क्लबका अध्यक्षहरुलाइ मायाको चिनो प्रदान सगै मोहर फिल्मको गीतमा विशेष नृत्य प्रस्तुति हुदा कार्यक्रममा थप रौनकता थपिएको थियो ।

कार्यक्रमका प्रमुख अतिथि रोटरि डिस्ट्रिक्ट ३२९२ का गभर्नर इलेक्ट रोटरियन विष्णु बहादुर कार्की, प्रोफेसर डा. रामचन्द्र आचार्य, डिस्ट्रिक्ट मेम्बरसिप कमिटी चेयर रोटरियन लक्ष्मण ज्ञवाली, डिआइआर सुसान्त अधिकारी , डिआरसि रेशम खड्का लगायतले सुभकामना मन्तव्य दिनुभएको उक्त कार्यक्रम डिआरआर इलेक्ट प्रकाश शर्माको स्वागत एडिआरआर लक्ष्मण श्रेष्ठ को धन्यवाद र डिस्ट्रिक्ट ट्रेजरर अनुप पाण्डेको संचालनमा सम्पन्न भएको थियो। रोट्रयाक्ट डिस्ट्रिक्ट ३२९२ को यो विशेष कार्यक्रमले नेतृत्व हस्तान्तरणको परम्परालाई मात्र होइन, युवाको नेतृत्वमा सामाजिक उत्तरदायित्व र सेवाको भावनालाई पनि उजागर गरेको छ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार

साताको चर्चित