उनले पत्रकारिताका विद्यार्थीहरुलाई व्यवहारिक शिक्षा दिनको लागि विद्यालयमै सुविधासम्पन्न स्टुडियोको निर्माण गरिएको र विभिन्न संचार गृहहरुला लगेर व्यवहारिक तालिम दिने गरिएको बताए ।

विद्यालय व्यवस्थापन समितिका अध्यक्ष नित्यानन्द ज्ञवालीले विद्यालयले विद्यार्थीहरुलाई विभिन्न किसिमका छात्रवृतिहरु प्रदान गरेर विद्यार्थीहरुलाई प्रोत्साहित गरिरहेको अवस्थामा प्रदेश सरकारले समेत विद्यार्थीहरुलाई छात्रवृति उपलब्ध गराउदा विद्यार्थीहरुलाई निर्वाध किसिमले आफ्नो पढाई पुरा गर्न र उच्च शिक्षाको बाटो तय गर्न समेत मद्दत पुग्ने बताए ।

आमसंचार तथा पत्रकारिताका विषय प्रमुख शेर बहादुर केसीले प्रदेश सरकारले आमसंचार पढ्ने विद्यार्थीलाई छात्रवृति प्रदान गरेकोमा धन्यवाद दिदै यस्ता छात्रवृतिले विद्यार्थीहरुलाई अध्ययन पुरा गर्न मात्र नभएर पत्रकारिताको क्षेत्रमा आवस्यक दक्ष र जिम्मेवार जनशक्ति उत्पादन गर्न सहयोग पुग्ने बताए । छात्रवृति वितरण कार्यक्रमको संचालन इन्चार्ज बिमल आत्रेयले गरेका थिए ।