लुम्बिनी प्रदेशका मुख्यमन्त्री जोखबहादुर महराले मन्त्रिमण्डल बिस्तार गरेका गरेका छन् ।
बुधवार संसद्का विषयगत समिति सभापतिमा कुरो मिलेसँगै मुख्यमन्त्री महराले मन्त्रिमण्डल बिस्तार गरेका हुन् ।
महराले बिहीबार ६ जनालाई बिना विभागीय मन्त्रीको रूपमा नियुक्त गरेका हुन्।
थपिएका मन्त्रीहरूमा: दिनेश पन्थी, खड्क बस्नेत, धर्मबहादुर चौधरी, अर्जुनकुमार केसी, भुमेश्वर ढकाल र रत्नबहादुर खत्री रहेका छन्।
यस्तै, यसअघि नियुक्त भएका तीन जना मन्त्रीले पनि विभागीय जिम्मेवारी पाएका छन् । मन्त्रीहरू भण्डारीलाल अहिर कृषि तथा भूमि व्यवस्था मन्त्रालय, देपेन्द्रकुमार पुन स्वास्थ्य मन्त्रालय र चेतनारायण आचार्य आर्थिक मामिला तथा योजना मन्त्रालय विभागको जम्मेवारी पाएका हुन्।
उनीहरूको बिहीबार साँझ ५ बजे शपथको तयारी भएको प्रदेश प्रमुख कार्यालयले जनाएको छ ।