बुटवलमा रहेको सुप्रिम बचत तथा ऋण सरकारीको ७८ करोड ठगी प्रकरणमा पक्राउ परेका दीपेश पुन माथी प्रहरीले अनुसन्धान सुरु गरेको छ ।
दीपेश पूर्वउपराष्ट्रपति नन्दबहादुर पुनका कान्छा छोरा हुन् ।
दीपेश शुक्रबार राति काठमाडौंमा पक्राउ परेका थिए । सुप्रिम सहकारीका पूर्व सचिव समेत रहेका पुनले सहकारीको ७८ करोड अपचलन गरेको आरोप लागेपछि उनलाई बुटवल ल्याइएको थियो ।
सहकारीमा कोषाध्यक्ष र सचिवका रूपमा व्यवस्थापनको जिम्मेवारीमा रहेकाले उनी अनुसन्धानमा तानिएका हुन् ।
इलाका प्रहरी कार्यालय बुटवलले झन्डै एक महिनादेखि सुप्रिम सहकारी ठगी प्रकरणको अनुसन्धान गरिरहेको छ ।
पुनलाई शुक्रबार राति नै बुटवल ल्याइएको हो । उनलाई इलाका प्रहरीको ५ नं. थुनुवा कक्षमा अन्य थुनुवासँगै राखिएको छ ।
सुप्रिमका १० हजार ३ सय ९१ बचतकर्ताको १ अर्ब ७ करोड ८२ लाख ६७ हजार रुपैयाँ संकलन गरेकामा ७८ करोड ५० लाख रुपैयाँ पदाधिकारीले नै अपचलन गरेको बचतकर्ताको उजुरी छ ।
