बुटवल–८ सुख्खानगरमा रहेको एभरेष्ट इङ्लिस माध्यमिक विद्यालयले शैक्षिक पुरस्कार वितरण तथा शिक्षक कर्मचारी सम्मान कार्यक्रम सम्पन्न गरेको छ ।
गत वर्षको शैक्षिक क्रियाकलापमा प्राथमिक तह देखि मावि तहसम्ममा कक्षागत रुपमा शैक्षिक उत्कृष्टता हासिल गर्ने विद्यार्थी तथा दिर्घसेवा प्रदान गर्ने शिक्षकहरुलाई सम्मान गरिएको हो ।
विद्यालय संचालक समितिका अध्यक्ष गमप्रसाद रेश्मीको अध्यक्षतामा भएको कार्यक्रममा राष्ट्रिय परिक्षा बोर्ड प्रदेश कार्यालयका प्रमुख रमाकान्त तिवारीले शैक्षिक उत्कृष्टता हासिल गरेका विद्यार्थीलाई बधाई तथा शुभकामना दिदै गुणस्तरीय शिक्षण सिकाईका लागि शिक्षक, अभिभावक र विद्यार्थी विचमा सहकार्य आवश्यक रहेको बताए ।
उनले शिक्षामा गुणस्तरीयतासँगै, काम लाग्ने, ब्यहाहिर, सीपमुलक र संस्कारयुक्त शिक्षा अहिलेको आवश्यकता रहेकाले सोही अनुसार अध्यापनको बातावरण विद्यालयले मिलाउनु पर्ने बताए ।
कार्यक्रममा विद्यालय संचालक समितिका उपाध्यक्ष भिमबहादुर श्रेष्ठ, प्राचार्य कृष्ण न्यौपाने, सहप्राचार्य भिमसेन गौतम, उपप्राचार्य उमेश रेग्मी लगायतले सफल विद्यार्थीलाई बधाई तथा शुभकामना दिएका थिए । सो अवसरमा विद्यालयका दिर्घ सेवा गर्ने झण्डै एक दर्जन शिक्षक तथा महिला शिक्षकहरुलाई सम्मान गरिएको थियो । यस्तै सोही कार्यक्रममा विभिन्न विषयमा विद्यावारधी गरेका सोही विद्यालयमा अध्यापनरत शिक्षकहरुलाई समेत सम्मान समेत गरिएको शिक्षक माधव पौडेलले जानकारी दिए ।
कार्यक्रममा पुर्व प्राथमिक तहदेखि ११÷१२ कक्षासम्मका विद्यार्थीलाई शैक्षिक पुरस्कार वितरण गरिएको थियो ।