कार्यक्रममा पाल्पा भैरव ग्रुपका संचालक, समाजसेवी गोपाल पोखरेलले ससाना लगानीबाट आर्थिक समृद्धि हुन्छ भन्ने उदाहरण सिद्धार्थ ग्रुपले दिन सफल भएको बताए । विदेशमा सिकेको सीपलाई स्वदेशमा फर्किएर सेवा उद्योगबाट राम्रो नाम र दाम कमाउन सफल भएको र अन्तराष्ट्रिय पहिचानमा जान सफल भएको उनले बताए ।

कार्यक्रममा शाखाका म्यानेजर केशवराज बश्यालले स्थापना दिवसको अवसर पारेर एक महिनासम्म २० प्रतिशत खानामा छुटका साथै सहुलियत दरमा आवासको ब्यवस्था गरिएको बताए । ग्रुपको सिद्धार्थ भिलासा भैरहवा र बनबास भिलासा चितवनमा गरि दुई वटा सुविधासम्पन्न पाचतारे होटल, नेपालगंज र काठमाडौमा बौद्ध बुटिक गरि दुई वटा ४ तारेमा सहित देशभर ३२ वटा शाखाहरुबाट सेवा दिईरहेको छ ।

पर्यटनसंग जोडिएको ग्रुपको आफनै पाथिल होलिडे ट्राभल एजेन्सी, होटल ब्यवस्थापन अध्ययापन गराउने सिद्धार्थ ईन्टिच्युट, आईटि टेक्नोलोजीको सार्भा टेक्नोलोजी र हस्पिटालिटि क्षेत्रमा चाहिने कृषि मागलाई पुरा गर्ने गरि धेरै विधाहरुमा जोडिएको उनले बताए ।

सात वटै प्रदेशमा पाचतारे खोल्ने लक्ष्य रहेको उनले बताए । हाल ग्रुपबाट १ हजार पाच सय कर्मचारीलाई रोजगार दिन सफल भएको छ । मल्टिपर्पोज कम्पनीका रुपमा संचालनमा ग्रुप निकट भविष्यमा भारतमा समेत सेवा दिने गरि जोड्ने अभियान थालेको उनले बताए ।

कार्यक्रममा एजुकेटिभ सेफ केशव अर्यालले मिठो खानाका परिकारका कारण छुट्टै पहिचान बनाउन सफल भएको बताए ।

बुटवलस्थित सिद्धार्थ कटेजमा १६ वटा रुम, ५ सय प्लसको देवदह हल, ३ सय प्लसका लुम्बिनी र रारा गरि दुई हल, ५ वटा प्राईभेट डाईनिङ रुम, ३ वटा कटेज र १ रेष्टुरेन्ट र बार रहेको छ ।