बुटवल । उपभोत्ता हित संरक्षण मञ्च नेपाल बुटवल उपमहानगरपालिकाको आयोजनामा सोमबार देखि खाद्य शुद्धता सम्बन्धी अभिमुखिकरण तथा उपभोत्ता सचेतना कार्यक्रम सुरु भएको छ ।
बुटवलमा सोमबार देखि सुरु भएको कार्यक्रमको एक कार्यक्रमका बीच बुटवल उपमहानगरपालिकाकी उपप्रमुख सावित्रादेवि अर्यालले उद्घाटन गरिन ।
सो अवसरमा बोल्दै उहांले जनताको स्वास्थ्यमा उपमहानगरपालिका चिन्तित रहेको भन्दै उपभोत्ता स्वय सचेत नभए सम्म खाद्य स्वच्छतामा शुद्धिकरण नहुने बताईन । उनले उपभोत्ताले सामान खरिद गर्दा त्यसको गुणस्तर, मुल्य र मिति हेरेर मात्र उपभोग गर्न आग्रह समेत गरिन ।
उनले जनताहरुको स्वास्थ्य संग सरोकार राख्ने विषयमा उपमहानगरपालिकाले कुनै पनि सम्झौता नगर्ने भन्दै बुटवलमा बजार अनुगमन तिब्र समेत पारेको बताए । बुटवलको वडा नं. १२ देखि १९ सम्मका विभिन्न संघ, संस्था, जनप्रतिनिधी सहभागि कार्यक्रम ५ दिन सम्म चल्नेछ ।
कार्यक्रममा उपभोत्तामा मानव अधिकारको भुमिका बारेमा रिमा वि.सी, स्थानिय बजार अनुगमन बारे ठगिश्वर पोख्रेल, स्वास्थ्य शुद्धता सम्बन्धी अनुप भट्राई र उपभोत्ता अधिकार सम्बन्धी अध्यक्ष समुन्द्र जि.सीले कार्यपत्र प्रस्तुत गरेका थिए ।
उपभोत्ता हित संरक्षण मञ्च नेपाल बुटवल उपमहानगरपालिकका अध्यक्ष समुन्द्र जि.सीले उपभोत्ता सचेत भएमा मात्र बजारमा अखाद्य बस्तुको विक्रि कम हुने बताए । कार्यक्रम सचिव लिलाधर लुइटेलको सञ्चालनमा उद्घाटन सत्र समापन भएको थियो ।
