बुटवल। श्री लक्ष्मी सामाजिक बहुउद्देश्यीय सहकारी संस्था लिमिटेड बुटवल–९ तीनकुनेको छैठौं वार्षिक साधारणसभा शनिबार सम्पन्न भएको छ ।
सहकारीका अध्यक्ष खुवीराम आचार्यको अध्यक्षता तथा बुटवल उपमहानगरपालिका उपप्रमुख सावित्रादेवी अर्यालको प्रमुख आतिथ्यतामा कार्यक्रम भएको हो । सो अवसरमा बोल्दै अर्यालले सहकारीहरु बचत तथा ऋणको कारोवारमा मात्र केन्द्रित नभई उत्पादनमूलक क्षेत्रमा लगानी गर्न आवश्यक भएको बताइन् ।
सहकारीले देशको अर्थतन्त्र चलाएमान बनाउन ठूलो भूमिका खेलेको उपप्रमुख अर्यालको भनाइ छ । बहुउद्देश्यीय सहकारी संघ रुपन्देहीका अध्यक्ष रोमणी डुम्रेले सहकारीले जनताको जीवनस्तरमा सुधार ल्याउनुपर्ने बताए । सहकारीका अध्यक्ष खुवीराम आचार्यले सहकारीले सबल र सक्षब बनाउदै काम अघि बढाइएको बताए ।
सहकारीका शेयर सदस्य आउदो वर्ष ६५० जना पु¥याउने लक्ष्यका साथ अघि बढेको अध्यक्ष आचार्यले बताए । अहिले सहकारी ४९८ शेयर सदस्य रहेका छन् । सहकारीको शेयर पूँजी ६९ लाख २५ हजार, लगानी २ करोड ४० लाख र संस्थागत पूँजी कोष ८ लाख ४६ हजार रहेको सहकारीका सचिव बाबुराम बञ्जाडेले जानकारी दिए ।
रेमिट्यान्सको सेवा पनि दिँदै आइरहेको सहकारीमा ५ जना कर्मचारी कार्यरत छन् । कार्यक्रममा सहकारी लेखा सुपरीवेक्षण संयोजक गोकुल आचार्य, सहकारी बैंकका अधिकृत सुशील भटटराई लगायतले बोलेका थिए ।
सहकारीका अध्यक्ष खुवीराम आचार्यको अध्यक्षता, उपाध्यक्ष मञ्जु घिमिरेको स्वागत तथा सचिव बाबुराम बञ्जाडेको सञ्चालनमा कार्यक्रम सम्पन्न भएको थियो ।
