तीन वटै विषयमा ४०÷४० वटाको कोटा अन्तर्गत पढाई सुरु हुने स्थानीय व्यवस्थापन समितिका अध्यक्ष तथा बुटवल उपमहानगरपालिकाका प्रमुख खेलराज पाण्डेयले जानकारी दिए।

५० शैयाबाट सुरु भएको अस्पताल अहिले १०० शैयामा सञ्चालनमा छ ।

अस्पताललाई ३०० बेड बनाउने योजना अनुसार बिहीबार २०० शैयाको अस्पताल भवनको प्रधानमन्त्री पुष्पकमल दाहाल प्रचण्डले शिलन्यास गरे । अस्पतालको २५ औं वार्षिकउत्सवको अवसरमा प्रधानमन्त्री प्रचण्डले भवनको शिल्यनास गरेका हुन ।

त्यस्तै सामाजिक सुरक्षा कोषका सदस्यहरुलाई नियमअनुसार स्वास्थ्य सेवाको पनि अस्पतालले सुरुआत गरेको छ । अस्पतालमा आमा सुरक्षा कार्यक्रम यसै वर्षभित्र सञ्चालन हुने गरी गरी प्रक्रिया पनि अघि बढाएको पाण्डेयले बताए।

आमा सुरक्षा कार्यक्रम सञ्चालन भए पश्चात राज्यको व्यवस्था बमोजिम आमाहरुले निःशुल्क प्रसूति एवं सोसंग सम्बन्धित स्वास्थ्य सेवा प्राप्त गर्नेछन । अस्पतालमा आमा सुरक्षा कार्यक्रम यसै वर्षदेखि संचालन हुने गरि नगरपालिकाबाट बजेट विनियोजित भएको नगर प्रमुख पाण्डेयले बताए ।

अस्पतालका मेडिकल सुपरीटेन्डन डा.राजेन्द्र प्रसाद बस्यालका अनुसार पछिल्लो दशक आर्थिक वर्ष २०७०÷७१ देखि आर्थिक वर्ष २०७९÷८० सम्म ६ लाख २१ हजार ९४२ जना विरामीले अस्पतालबाट सेवा प्राप्त गरेका छन् ।

वि.स. २०५५ कार्तिक १६ मा आम्दा नेपाल, बुटवल उपमहानगरपालिका तथा बुटवल उद्योग वाणिज्य संघबीच त्रि–पक्षीय समझदारी भई ५० शैयाबाट अस्पतालको सुरुवात भएको थियो ।