उनले पछिल्लो समय सहकारीमा देखिएको विचलनबाट टाढै रहेर दीपावलीले बलियो सहकारीको रूपमा आफ्नो पहिचान दिन सफल भएको भन्दै खुसी व्यक्त गरे । अर्थतन्त्र चलायमान बनाउन सहकारीको ठूलो भूमिका रहेको मेयर पाण्डेको भनाइ छ ।

सहकारीका अध्यक्ष चण्डीप्रसाद न्यौपानेले छरिएर रहेको पूँजीलाई उपयोग गरी समाजको आर्थिक उन्नतिमा सहकारीले लगानी गरिएको जानकारी दिए ।

बुटवल ११ का वडा अध्यक्ष रामचन्द्र क्षेत्रीले आर्थिक जीवनस्तर उकास्दै सहकारी सिद्धान्तमा आधारित रही गतिशील, पारदर्शी, सबल एवं दिगो वित्तीय संस्था रूपमा दीपावली दरिएको बताए । २०६६ सालमा स्थापना भएको सहकारीमा १ हजार १६६ शेयर सदस्य रहेको सहकारीका सल्लाहकार लोकराज शर्माले जानकारी दिए ।

सहकारीको शेयर पूँजी २ करोड ५१ लाख ६५ हजार रहेको छ । सहकारीले ऋण लगानी १९ करोड ७४ लाख १६ गरेको छ ।

कार्यक्रममा सल्लाहकार कमल नेपाल, लेखा समिति संयोजक भरत पाठक, जेष्ठ शेयर सदस्य तथा साहित्यकार जंगबहादुर शाह, कमल नेपाल लगायतले बोलेका थिए । सहकारीका उपाध्यक्ष हिमलाल न्यौपानेको स्वागत तथा सचिव माया बेल्बासेको सञ्चालनमा कार्यक्रम सम्पन्न भएको थियो ।