लायन्स क्लव अफ बुटवल शाइनको आयोजनामा बृहत्त निशुल्क स्वास्थ्य शिविर सम्पन्न भएको छ ।
बुटवल उपमहानगरपालिका वडा नं. ६ स्थित तिलोत्तमा माध्यमिक विद्यालयमा आयोजित शिविरमा पाठेघरको क्यानसर जांच, सुगर जांच, महिला तथा प्रसुती एवं जनरल चेकअफ भएको थियो ।
क्लवका अध्यक्ष गौरी न्यौपानको अध्यक्षता तथा लायन्स अन्तर्राष्टिय डिष्टिक ३२५ पि का गर्भनर अर्जुनमान सैजुको प्रमुख आतिथ्यतामा शिविर सञ्चालन भएको थियो । सो अवसरमा बोल्दै प्रमुख अतिथि सैजुले स्वास्थ्य सेवाको पहुंचबाट टाढा भएकाहरुलाई लक्षित गरेर आयोजना गरेको शिविरबाट धेरै लाभाम्बित भएको बताए ।
उनले क्लवले अझै रचनात्मक कार्य गर्न आग्रह गर्दै स्वार्थ भन्दा माथी रहेर सेवामा लाग्न क्लवका सदस्यहरुलाई आग्रह गगरे ।
शिविरमा ५ सय भन्दा बढि लाभाम्बित भएको कार्यक्रम संयोजक लक्ष्मी भट्टराईले जानाकारी दिईन ।
क्लवकी अध्यक्ष गौरी न्यौपानेले आफ्नो बार्षिक कार्यक्रम अनुसार स्वास्थ्य शिविरको कार्यक्रम गरेको र आगामी दिनमा अझ बढि सामाजिक कार्य गर्ने बताईन ।
शिविरमा छत्रदेव हेल्थ केयर प्रा.लि बुटवलले प्राविधिक सेवा प्रदान गरेको थियो । कार्यक्रममा वडा नं. ६ का वडा अध्यक्ष लोकनाथ न्यौपाने, विद्यालयका प्राचार्य ईश्वरीप्रसाद रेग्मी, क्लवकी संस्थापक अध्यक्ष ईशु देवकोटाले क्लवले गरेको सामाजिक कार्यको प्रसंसा गरेका थिए ।
