मुलुकलाई माथी उठाउन नदिने र देशलाई आर्थिक र राजनितीक समस्याबाट ग्रस्त पार्ने काम भएको भन्दै मुलुकमा स्थीरता कायम गर्न पनि एमालेको नेतृत्व आवश्यक रहेको उनको भनाई थियो ।

अहिलेको निर्वाचनमा कुनै पनि व्यक्तिगत एमालेको जीत हुने भन्दा पनि एमालेको विजयी सिंगो मुलुक र जनताको जीत हुने उनले बताए ।

घरदैलो अभियानमा पुगेका गिरी त्यहाँका मतदाताका समस्या र गुनासो पनि सुनेको थिए । मतदाताले विद्यालयमा प्राविधिक शिक्षा, मठमन्दिरको स्तरउन्नती, सडक कालोपत्रे, तटबन्द हुनुपर्ने माग राखेको थिए ।

मतादाताको सुझाव पछि नेता गिरीले पश्चिम पहुनी माविलाई स्तरउन्नती गरेर प्राविधिक शिक्षामा जोड्ने कामको थाली गरेको बताए । अहिले पुर्वधार निर्माणको काम समेत भइरहेको बताउँदै त्यसलाई सम्पन्न गरेर प्राविधिक शिक्षा सञ्चालन गरिने उनले बताए ।

त्यसैगरी व्यवसायीक कृषि, पशुपालकहरुलाई अनुदानको व्यवस्था गर्ने प्रतिबद्धता पनि उनले सो अवसरमा जनाए ।

पहुँनीलाई धार्मिक पर्यटकिय स्थलको रुपमा विकास गर्ने योजना समेत आफुले बनाएको भन्दै त्यस क्षेत्रमा रहेको मन्दिरहरुको स्तरउन्नतीका लागि बजेट अभाव हुन नदिने गरी आफुले काम गर्ने नेता गिरीको भनाई छ ।

मोक्षधाम, बासघारी मन्दिर, मडाबाबा मन्दिरलाई स्तरउन्नती गरी धार्मिक पर्यटकिय स्थलको रुपमा विकास गर्ने उनले बताए ।

साथै उनले सो क्षेत्रमा भएका अधुरा कालोपत्रे सडकहरुलाई निर्माण गर्ने समेत बताए ।

एमाले नेतृत्वको सरकारले तिलोत्तमा रिङ रोडको योजना अघि बढाएको स्मरण गराउँदै नेता गिरीले त्यसलाई पुरा गर्न आवश्यक बजेटको व्यवस्था गर्ने समेत बताए ।

‘सडक निर्माण हुनेछ । भित्री सडक कालोपत्रे हुनेछ । तटबन्द निर्माणको काम अहिले पनि कतिपय ठाउँमा भएको छ । बेतानी जोड्ने पुल बनिरहेको छ । त्यसपछि यो क्षेत्रले विकासमा साच्चै फड्र्को मार्नेछ ।’ उनले भने ।