उनले समाज रुपान्तरणको अभियानमा समाज कटिबद्ध भएर लाग्न सुझाव समेत दिए ।

समाजका अध्यक्ष विष्णुप्रसाद पन्तले समाजले विभिन्न सामाजिक कार्य गर्दै आएको बताउँदै बार्षिक कार्य योजना अनुसार रक्तदान, सरसफाई, सहयोग वितरण जस्ता कार्यक्रम गर्दै आएको बताए । रक्तदान कार्यक्रमका संयोजक ईश्वरी पौडेलले रगतको अभावमा कसैले पनि ज्यान गुमाउन नपरोस भन्ने उद्देश्यले रक्तदान कार्यक्रमको आयोजना बताए ।

त्यस्तै एडभण्ड सिटी हस्पिटलका अध्यक्ष प्रकाश रानाले सामाजिक कार्यमा समाज सँग जोडिएर काम गर्न पाउँदा खुसी लागेको बताए । सो अवसरमा हस्पिटल र समाज बीच उपचार छुटमा सम्झौता पत्रमा हस्ताक्षर समेत गरिएको थियो ।

कार्यक्रम रमेश सिटौलाको सञ्चालनमा सम्पन्न भएको थियो ।