दाहाल ५ औं पटक क्षेत्र परिवर्तन गरी लुम्बिनी प्रदेशको एक मात्र हिमाली तथा संघीयतापछि बनेको कान्छो जिल्लाबाट उम्मेदवार बन्न पुगेका हुन् । यस्तै, रोल्पाबाट वर्षमान पुन उम्मेदवार बनेका छन् । पुन रोल्पाबाट चुनाव जित्दै आएका नेता हुन् ।

बर्दिया–१ बाट वामदेव गौतम उम्मेदवार बनेका छन् । उनी एमालेमा रहँदा यहीँ क्षेत्रबाट उम्मेदवार बन्दै आइरहेका थिए । यहाँ अघिल्लो चुनावमा कांग्रेसका सञ्जय गौतम निर्वाचित भएका थिए ।

त्यसैगरी, अर्घाखाँचीबाट साविक नेकपा एसका नेता रामबहादुर चौहानले टिकट पाएका छन् । त्यसैगरी गुल्मीको क्षेत्र नं १ मा तत्कालीन माओवादीका प्रदेश अध्यक्ष सुदर्शन बराल र २ मा प्रचण्डको सचिवालयमा बसेका बुद्धि जिसी उम्मेदवार बनेका छन् ।

पाल्पाको क्षेत्र १ मा होम सुनारी र २ नम्बरमा सोमप्रसाद पाण्डेलई नेकपाले टिकट दिएको छ ।

यसैगरी, पश्चिम नवलपरासीको १ मा सिन्धु जलेसा र नवलपरासी २ मा देवेन्द्र पौडेल उम्मेदवार बनेका छन् ।

एक निर्वाचन क्षेत्र रहेको प्युठानमा भोजविक्रम बुढा उम्मेदवार बनेका छन । रुपन्देही ५ मा वकिल मुसलमान, रुपन्देही ४ मा बाबुलाल यादव र रुपन्देही ३ मा फैज अहमद खान उम्मेदवार बनेका छन् ।

रुपन्देही १ र २ टुंगो लाग्न बाँकी छ । ३ वटा निर्वाचन क्षेत्र रहेको कपिलवस्तुमा पनि उम्मेदवार टुंगो लगाउन बाँकी छ ।

यस्तै, दाङ क्षेत्र नम्बर १ मा मेटमणि चौधरी, क्षेत्र नम्बर २ मा निर्मल आचार्य उम्मेदवार बनेका छन् भने क्षेत्र नम्बर ३ मा उम्मेदवार टुंगो लगाउन बाँकी छ ।