बुटवल । इस्माली समाज यूएईले ‘एक घर, एक आरओ फिल्टर’ अभियान तीब्र बनाएको छ ।
हरेक घरमा शुद्ध पानी उपलव्ध गराउने उद्देश्य सहित इस्माली समाज यूएईले ‘एक घर, एक आरओ फिल्टर’ अभियान तिब्र बनाएको हो ।
अभियान अन्तर्गत अहिले पहिलो चरणमा आरओ फिल्टरलाई घरमा जडान कार्य गरिरहेको छ । ईस्माका नागरिकहरुलाई शुद्ध पानी उपलब्ध गराउने गरी सुरु भएको अभियानबाट १ सयभन्दा बढि घरमा फिल्टर जडान गरिनेछ ।
इस्माली समाज यूएईका अध्यक्ष मान बहादुर कुँवरले इस्माबाट बैदेशिक रोजगारीका लागि यूएई आएका सहयोगीहरुको पहलमा यो अभियान सुरु गरिएको बताए ।
अभियान अन्तर्गत ईस्मामा स्कुल, पालिका, विद्यालय, वडा कार्यालयका साथै घर घरमा आरओ फिल्टर जडान गर्ने योजना बनाइएको छ ।
इस्माली समाज यूएईका सचिव सुनिल चन्द्र थापाले बैदेशिक रोजगारीका लागि विदेशमा रहेपनि आफ्नो जन्मभूमिको माया र दायित्व सम्झेर फिल्डर जडान अभियान सुरु गरेको बताए ।
