बाँकेमा बसको ठक्करबाट एक महिलाको मृत्यु, घटनास्थलमा तनाव सिद्धार्थ राजमार्गअन्तर्गत दोभान क्षेत्रको कालोपत्र गुणस्तर नपुगेको भन्दै उप्काउन थालियो लुम्बिनीका ‘धनी सांसद’मा नैतिकताको खडेरी (ईन्फोग्राफिक्स सहित) तिलोत्तमा–५ मा का सडक वत्ती जडान गर्दा भेटियो ‘अनियमितता’ लियो सिद्धबाबाको रक्तदानमा ४५ यूनिट संकलन तिलोत्तमाबाट देखिएको खुलेको आकाश (फोटो फिचर) धेरै भूभागमा पानी पर्दै, अबको ३ दिन कता-कता छ भारी वर्षाको सम्भावना? बुटवल बसपार्कमा सुविधासम्पन्न स्नानगृह सञ्चालनमा सभामुख न मन्त्री, ओलीले किन काटे छविलाल विश्वकर्माको नाम ? रुपन्देहीमा एक हप्तामा ३१ हजार सवारी चालकलाई लेन अनुशासन शिक्षा                
समाचार :

रूपन्देहीका १४ पालिकाले ल्याए बजेट, रोहिणी र मायादेवीको अनिश्चित

शिक्षा, स्वास्थ्य, कृषि, पर्यटन, पूर्वाधार विकास, रोजगारी, लक्षित वर्गको उत्थानमा विशेष जोड दिँदै रुपन्देहीका स्थानीय तहले आगामी आर्थिक वर्ष २०८१–०८२ को नीति तथा कार्यक्रम र बजेट ल्याएका छन् । एक उपमहानगर, ५ नगरपालिका र १० गाउँपालिका गरी १६ वटा स्थानीय तह रहेको रुपन्देहीमा सबैभन्दा ठूलो बजेट बुटवल उपमहानगरपालिकाले ल्याएको छ । बुटवल र सिद्धार्थनगर नगरपालिकाले आइतबार बजेट ल्याएका हुन् भने अन्य पालिकाले सोमबार बजेट सार्वजनिक गरेका हुन् । जिल्लाका दुई पालिकाले भने बजेट ल्याउन सकेनन् ।

बुटवलले २ अर्ब ९९ करोड २२ लाख बराबरको आगामी आर्थिक वर्षको बजेट ल्याएको छ । उपप्रमुख सावित्रादेवी अर्यालले नगर सभाको १५औं अधिवेशनको तेस्रो बैठकमा चालु तर्फ ४८ दशमलव ६५ प्रतिशत र पूँजीगततर्फ ५१ दशमलव ३५ प्रतिशत रहने अनुमानसहितको आगामी आर्थिक वर्षको वार्षिक बजेट तथा कार्यक्रम पेश गरेकी हुन् । यस्तै, लुम्बिनी सांस्कृतिक नगरपालिकाले १ अर्ब ९० करोड, देवदह नगरपालिकाले १ अर्व ५० करोड १० लाख ६५ हजार पाँच सय रुपैयाँ बराबरको बजेट ल्याएको छ ।

तिलोत्तमा नगरपालिकाको २ अर्ब ७६ करोड ६२ लाख २२ हजार, सैनामैना नगरपालिकाले १ अर्ब १० करोड १२ लाख ७२ हजार र सिद्धार्थनगर नगरपालिकाले १ अर्ब ४ करोड २५ लाख ५४ हजार बराबरको बजेट ल्याएको छ । कृषि र सिंचाईलाई प्राथमिकता राख्दै कोटहीमाई गाउँपालिका ४७ करोड ६९ लाख बराबरको बजेट ल्याएको छ ।

यस्तै, सम्मरीमाई गाउँपालिकाले ५० करोड ४ लाख १० हजार, सियारी गाउँपालिकाले ९० करोड र मर्चवारी गाउँपालिकाले ४८ करोड रुपैयाँ बराबरको बजेट ल्याएको छ । यस्तै, जिल्लाको कंचन गाउँपालिका ५७ करोड २१ लाख २० हजार ६५०, ओमसतिया गाउँपालिकाले ४९ करोड २२ लाख १८ हजार रुपैयाँ बराबरको बजेट ल्याएको छ । ओमसतियाको नीति तथा कार्यक्रम पारित भए पछि बजेटमाथि छलफल सुरु भएको उपाध्यक्ष सुनिता चौधरीले जानकारी दिइन् ।

जिल्लाको शुद्धोधन गाउँपालिकाले ७० करोड २७ लाख ४८ हजार र गैडहवा गाउँपालिकाले ६३ करोड बराबरको बजेट ल्याएका छन् । अधिकांश पालिकाले सडक, नाला, विद्यालय भवन निर्माण, स्मार्ट लाइट जडान, मठमन्दिर निर्माण, फोहोर व्यवस्थापन, कृषिलाई आधुनिकी करण लगायतमा जोड दिएका छन् । स्वास्थ्य क्षेत्र पनि धेरै पालिकाको प्राथमिकतामा परेको छ ।

जिल्लाका १४ पालिकाले बजेट ल्याउँदा रोहिणी गाउँपालिका र मायादेवी गाउँपालिकाको भने गाउँ सभा नै बस्न सकेन । आन्तरिक असमझदारीले यी पालिकाले नीति तथा कार्यक्रम र बजेट नै ल्याउन नसकेका हुन् । रोहिणीको त अघिल्लो वर्ष पनि ढिला गरी बजेट आएको थियो । दुबै पालिकाको गाउँसभा बस्नेबारे अझै टुंगो छैन । मायादेवीका प्रमुख प्रशासकीय अधिकृत कृष्णप्रसाद ज्ञवालीले आन्तरिक असमझदारीले बजेट ल्याउन नसकेको जनाए । ‘जनप्रतिनिधिबीच केही कुरामा सहमती हुन सकेको छैन । सहमती भयो भने बजेट ल्याउँछौं’, उनले भने ।
पब्लिक कुराबाट

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार