बुटवल। रुपन्देही नेत्रहिन संघको आयोजनामा बुटवलमा अपाङ्गता सचेतना सम्बन्धी नीतिगत व्यवस्थाको विषयमा अभिमुखिकरण कार्यक्रम गरिएको छ ।
बुटवल उपमहानरपालिकाको आर्थिक सहयोगमा भएको कार्यक्रममा बोल्दै बुटवल उपमहानरपालिकाका उप प्रमुख तथा अपाङ्गता परिचय पत्र व्यवस्थापन संमन्वय समितिका अध्यक्ष सावित्रा देवी अर्यालले अपाङ्गताको विषयमा नगरपालिका जहिले पनि संवेनशिल भएर काम गरेको बताएकी थिईन । उनले सरकारबाट निर्देष्ट अपाङ्गता परिचय पत्र व्यवस्थापन सम्बन्धी काममा सहजीकरण गर्दै अपाङ्गता भएका व्याक्तिहरुलाई सामाजको मुल प्रवाहीकरणमा ल्याएर सोही अनुसार आत्मनिर्भर बनाउने गरी काम गर्दै आएको बताएकी थिईन ।
रुपन्देही नेत्रहिन संघका अध्यक्ष कृष्ण बहादुर जिसीको अध्यक्षता तथा सामाजिक विकास समितिका सभापती वडा अध्यक्ष प्रदिप कुमार श्रेष्ठको स्वागतमा भएको कार्यक्रममा नेपाल नेत्रहिन संघका केन्द्रीय सदस्य शिला घिमिरेले सञ्चालन गरेकी थिईन ।
कार्यक्रममा बुटवल उपमहानरापलिका वडा नम्बर १ देखि १९ सम्मका सम्पूर्ण वडा अध्यक्ष, नगरकार्यपालिका सदस्य तथा नगरपालिकाको सामाजिक विकासमहाशाखा प्रमुख तथा कर्मचारीहरुको सहभागीतामा कार्यक्रम भएको हो ।
कार्यक्रममा नेपाल नेत्रहिन संघका केन्द्रीय महासचिव शिशिर खनालले अपाङ्गताको बर्गीकरण, कानूनी व्यवस्था, भैरहेका अभ्यास तथा आगामी दिनमा स्थानीय सरकारले गर्नुपर्ने कार्यको विषयमा सहजीकरण गरेका थिए ।
राष्ट्रिय अपाङ्ग महासंघ नेपालका संघीय सदस्य सावित्रा घिमिरे लायतले आ आफ्नो भनाई राखेका थिए ।
