लुम्बिनी प्रदेश स्थापना दिवस मनाइएको छ । आइतबार विभिन्न कार्यक्रम गरी लुम्बिनी प्रदेश स्थापना दिवस मनाइएको हो ।
प्रदेश सभाको पहिलो बैठक बसेको दिनका अवसरमा आइतबार लुम्बिनी प्रदेशको सातौँ स्थापना दिवस मनाइएको छ । सो अवसरमा प्रदेश प्रमुख अमिक शेरचनले संघीयता कार्यान्वयन गर्न लुम्बिनी प्रदेशबाट धेरै कुराहरु सिक्न सकिने बताए ।
उनले अझैँ पनि संविधानमा लेखिएका अधिकारहरु प्रदेश तहमा नआएको भन्दै प्रदेशलाई अधिकार सम्पन्न बनाउने गरी भूमिका खेल्न आवश्यक रहेको बताए ।
यस्तै मुख्यमन्त्री डिल्लीबहादुर चौधरीले संघीयताले सबै जातजाति, धर्मसंस्कृतीलाई जोड्न सफल भएको बताउँदै अव संघीयताबाटै मुलुकको विकास सम्भव रहेको बताए । उनले संघीयता भनेकै विविध संस्कृति बिचको एकता रहेको बताए ।
यस्तै सभामुख तुलाराम घर्ती मगरले प्रदेशसभाले स्थानीय तहसँग कार्यक्रम सञ्चालन गरेर संघीयतालाई बलियो बनाउने गरी भूमिका खेलेको बताए ।