मन्दिर निर्माण तथा मूर्ति प्रतिष्थापनका लागि मन्दिरको आन्तरिक श्रोत तथा महायज्ञबाट रकम संकलन गरिएको निर्माण समितिका संयोजक हरिप्रसाद घिमिरेले जानकारी दिए । शिलान्यास भएको एक वर्षमा मन्दिर निर्माण गरी शनिबार नवरात्रको छैटौं दिनको अवसरमा विशेष पूजासहित मूर्ति प्रतिष्थापन र मन्दिर उद्घाटन गर्न सफल भएको उनले बताए । धार्मिक महत्वलाई कायम राख्दै म्यागोडा शैलीमा मन्दिर निर्माण गरिएको व्यवस्थापक महेश पौडेलले जानकारी दिए ।

मन्दिरको उद्घाटन तथा पूर्ति प्रतिष्थापनपछि बोल्दै बुटवल उपमहानगरका प्रमुख खेलराज पाण्डेयले नगर भित्रका धार्मिक तथा ऐतिहासिक स्थलहरुको संरक्षणका लागि आवयश्यक पहल गरिने बताए । त्यस्था स्थलहरु राज्यको सम्पत्ति भएका कारण यसको संरक्षण, व्यवस्थापन र सञ्चालनमा स्थानीयका भूमिका महत्वपूर्ण रहने उल्लेख गरे । यसैगरी बुटवल उपमहानगर-११ का अध्यक्ष रामचन्द्र क्षेत्रीले मन्दिरको स्थापनासँगै यसको व्यवस्थापनमा ध्यान दिन आग्रह गरे । मन्दिर बिकास समितिका वरिष्ठ उपाध्यक्ष पुष्पा शर्माको स्वागत तथा सचिव कमल नेपालको सञ्चालनमा कार्यक्रम भएको थियो ।