बुटवल ।लायन्स क्लव अफ बुटवल बेलबास सृजनशिल र लायन्स क्लव अफ बुटवल वेष्टको संयुक्त आयोजानमा विजयादशमी, शुभ दिपावली तथा छठ पर्वको शुभकामना आदान–प्रदान तथा आफुभन्दा कम भाग्यमानीभएका(दृष्टिविहिन) महिलाहरुलाई सम्मान सहि पोषाक वितरण गरेको छ ।
बेलबासमा एक विशेष कार्यक्रम गरि ४ जना दृष्टिविहिनता भएका महिलाहरुलाई पोषाक वितरण गरिएको हो ।
लायन्स क्लव अफ बुटवल वेष्टका कार्यवाहक अध्यक्ष अमर थापाको अध्यक्षतामा भएको कार्यक्रममा लायन्स ईन्टरनेशनल डिष्ट्रिक कोडीनेटर एमजेएफ सन्दीप कसौधनको प्रमुख आतिथ्यता रहेको थियो । प्रमुख अतिथि कसौधनले लायन्स क्लवले सामाजिक क्षेत्रमा उदाहरणीय काम गरेको बताएका थिए ।
कार्यक्रममा संस्थापक अध्यक्ष बेद प्रसाद गैरे ले क्लवले विभिन्न क्षेत्रमा सामाजिक काम गर्दै आएको जानकारी दिदै यहि कार्तिक २ गते आँखा शिविर आयोजना गर्ने जानकारी दिए ।
बेलबास सृजनशिलका अध्यक्ष बिमला गैरेका अनुसार दृष्टिविहिनता भएका महिलाहरु संगीता बिक, निर्मला सुनार, लालिका पुन, विनिता डाँगी लाई लत्ता कपडा प्रदान गरिएको हो ।
कार्यक्रममा एरिया चिफ कोर्डनेटर कल्पना सिवाकोटी(पोखरेल), एरिया सेक्रेटरी एमजेएफ डा. शान्ता शर्मा, रिजनल चियर पर्सन बिमला गैरे लगायतले शुभकामना दिएका थिए ।
लायन्य क्लव अफ बुटवलबेलबास वेष्टका सचिव गीता बन्जाडे को सञ्चालनमा भएको कार्यक्रममा भाईस प्रेसिडेन्ट रुपा कण्डेल स्वागत गर्दै कार्यक्रमको उदेश्यमाथि प्रकाश पारेकी हुन । कार्यक्रममा राष्ट्रिय झण्डाको अभिवादन पवित्रा गौलीको रहेको थियो । कार्यक्रममा सहभागी अतिथिहरुले शुभकामना आदान –प्रदान गरेका थिए ।
