यसैगरी एसईई परीक्षा २०७९ मा उत्कृष्ट नतिला ल्याई उत्तिर्ण हुने संघमा आवद्ध परिवारका विद्यार्थीलाई समेत सम्मान गरिएको छ । विद्यार्थीहरुलाई बधाई तथा सम्मान कार्यक्रममा बोल्दै बुटवल उपमहानगरकी उप मेयर सावित्रादेवी अर्यालले राजनीतिक क्षेत्रमा पनि अब शिक्षित र प्राज्ञिक व्यक्तिहरुको प्रवेश आवश्यक रहेको बताइन् । नेपाल प्रथम हुन सफल छात्रा आयश्मा रेश्मीले अवसर प्राप्त गर्न सकेमा महिलाहरु अब्बल छन् भन्ने कुरा प्रमाणित गरेको उल्लेख गरिन् । यसैगरी राज्य सञ्चालनका हरेक निकायमा महिला सहभागिताका लागि शिक्षित र राजनैतिक रुपले प्रशिक्षित पात्रहरुको खाँचो रहेको उल्लेख गरिन् । अबको नेतृत्वको हिजोको जस्तो नभई सीप, ज्ञान र प्रतिभाले भरिपूर्ण युवाहरुले गर्नुपर्नेमा जोड दिइन् ।

सम्मान कार्यक्रममा बोल्दै नेपाल आदिवासी जनजाती महासंघ लुम्बिनी प्रदेश समन्वय समितिका सचिव मनोज राना, मगर महिला संघ बुटवलका कानूनी सल्लाहकार गोविन्द पुन, संघकी संस्थापक सचिव तथा सल्लाहकार कुमारी थापा लगायतले बोल्दै ईतिहासदेखिनै जातीय विभेदमा पर्दै आएको मगर समुदायको उत्थान र परिवर्तनका लागि शिक्षा महत्वपूर्ण कडी रहेको उल्लेख गरे । समाज रुपान्तरणको प्रमुख आधारनै शिक्षा भएकोहुँदा मगर समुदायको उत्थानका लागि उनीहरुलाई शैक्षिक रुपमा तथा ज्ञान र प्रविधिमा अब्बल बनाउन आवश्यक रहेको उनीहरुले बताए ।

संघकी सल्लाहकार सकुन्तला पुनले विद्यार्थीहरुलाई शुभकामना व्यक्त गर्दै हिँजोदेखि शैक्षिक रुपमा पिछडिएको ईतिहासलाई अबका युवाहरुले परिवर्तन गर्न आग्रह गरिन् । संघ अध्यक्ष गौमाया थापाको अध्यक्षता तथा सचिव तिर्थकुमारी सोमरेको सञ्चालनमा सम्मान कार्यक्रम भएको थियो ।