भैरहवा । सिद्धार्थनगर नगरपालिकाको कार्यालयले नगर क्षेत्रमा रहेको संस्थागत विद्यालयहरुलाई चर्को शुल्क नअसुल्न र पसल तोकेर शैक्षिक साम्रगी खरिद गर्नका लागि अभिभावकलाई बाध्य नबनाउन निर्देशन दिएको छ ।
“नयाँ शैक्षिक सत्र सुरु भएसँगै विद्यालयहरुले आफु खुशी शैक्षिक शुल्क बढाउने र विद्यालयले तोकेको पसलमा शैक्षिक सामग्री खरिद गर्न अभिभावकलाई बाध्य बनाउने गरेको अभिभावकको उजुरी नगरपालिकालाई प्राप्त भएको छ ।” नगर प्रमुख ईश्तियाक अहमद खाँनले भने । उनले त्यहि अनुसार निर्णय कार्यान्वयनका लागि हामीले सवैलाई आग्रह गरेको बताए ।
