स्वस्थ मृगौला सबैका लागि सबै ठाउंमा, जनचेतना बढाऔं मृगौला रोग लाग्नबाट बचौं र बचाऔं भन्ने नाराका साथ विहिबार विश्व मृगौला दिवस मनाईएको छ ।
दिवसको अवसरमा गौतमबुद्ध सामुदायिक मुटु अस्पतालको अगुवाईमा जनचेतनामुलक ¥यालीको आयोजना गरेर विश्व मृगौला दिवस मनाईएको हो ।
¥यालीमा रुपन्देहीमा रहेका रोटरी क्लब, रोट्¥याक्ट क्लब, रुपन्देही उद्योग संघ लगायतका संघसंस्थाहरुको उपस्थिती रहेको थियो । ¥यालीमा सहभागिहरुले दिनमा कम्तिमा १० हजार पाइला हिड्ने गरौं, स्वास्थ्य नै सबैभन्दा ठूलो धन हो, नियमित व्यायाम गर्ने बानिको विकास गरौं, खानामा नुनको मात्र कम गरौं, मध्यपान जहरपान जस्ता नारा लेखिएका प्लेकार्ड बोकेका थिए ।
बुटवलको योगिकुटीबाट सुरु गरिएको जनचेतनामुलक ¥याली रामनगरस्थित गौतमबुद्ध सामुदायिक मुटु अस्पताल परिसरमा पुगेर कोणसभामा परिणत भएको थियो । कोण सभामा अस्पतालका अध्यक्ष एजाज आलमले खानपिन र आनीबानीमा सुधार गर्न सके मृगौला रोगबाट बच्न सकिने भन्दै समाजलाई मृगौला रोगबारे सचेतना जगाउन ¥यालीको आयोजना गरेको बताए । कार्यक्रममा बोल्दै बुटवल उपमहानगरपालिकाकी उपप्रमुख सावित्रा देवी अर्यालले खानपान र व्यायाममा सन्तुलिन कायम गर्न सके मृगौलालाई स्वस्थ राख्न सकिने बताईन ।
कार्यक्रममा रुपन्देही उद्योग संघका अध्यक्ष माधव पौडेल, रोटरी क्लव अफ बुटवल साउथका अध्यक्ष टंक अधिकारी लगाएतले बोल्दै मृगौला रोगको सिघ्र पहिचान तथा र त्यसको समयमै निदान नै मृगौला स्वस्थ्य राख्ने मुख्य उपाय भएको बताएका थिए । कार्यक्रम गौतमबुद्ध सामुदायिक स्वास्थ्य संस्थाका अध्यक्ष एजाज आलमको अध्यक्षता तथा संस्थाका सह सचिव बावुराम बोहोराको सञ्चालनमा सम्पन्न भएको थियो ।