भीमसेन नेवा समाजको भवन ज्योतिनगरचोक बाट शुरुभएको भीमसेन रथ जात्रा गोलपार्क, बुद्धएकता चोक, पुल्चोक, खाती मेडिकल हुँदै बुटवल बहुमुखी क्याम्पस हुँदै पुन ः समाजको भवनमा पुगेर समापन भएको थियो ।

कार्यक्रमलाई सम्बोधन गर्दै बुटवल उपमहानगरपालिकाका नगर प्रमुख खेलराज पाण्डेले नेवारी समुदायका कला सस्कृती नगरको सम्पत्ती भएको बतए ।

नगरभित्र बसोबास गर्ने बिभिन्न जातजातिका आ आफ्नै मौलिक चाडपर्व रहेको बताउदै प्रमुख पाण्डेले आफ्ना परम्परा र सस्कृतीलाई जगेर्ना गर्न आवश्यक रहेको बताए । प्रमुख पाण्डेले पुराना पुस्ताले यस्ता महत्वपुर्ण सस्कृतिका बारेमा नयाँ पुस्तालाई जानकारी गराउनुपर्ने बताए ।

बुटवलनगरपालिकाका उपप्रमुख साबित्रादेबि अर्यालले नेवारी समुदायले निकाल्ने यस्ता जात्राहरुले सकारात्मक सन्देश दिने गरेको बताए । अर्यालले भिमसेनलाई भगवानका रुपमा मानेको बताउदै बुटवल उपमहानगरपालिकालाई सास्कृतिक रुपमा चिनाउन यस्ता महत्वपुर्ण चाडपर्बहरुले थप टेवा पुग्ने बताए ।

समाजका वरिष्ठ सल्लाहकार बिमल बहादुर शाक्य,वडा सदस्य पबित्रा श्रेष्ठ , जनप्रतिनीधि, बिभिन्न संघ सस्थाका जनप्रतिनीधि लगायतको उपस्थिीती रहेको कार्यक्रम श्री भीमसेन नेवाःसमाज बुटवल ३ का अध्यक्ष लिला श्रेष्ठको अध्यक्षता, बरिष्ठ उपाध्यक्ष सहदेब श्रेष्ठको स्वागत र महासचिव गोपाल श्रेष्ठको सञ्चालनमा सम्पन्न भएको थियो