रुपन्देही व्यापार संघका अध्यक्ष कृष्ण प्रसाद घिमिरेले गिर्दो व्यवसायलाई बचाउन आफू पनि चल्ने र अरुलाई चल्ने बातावरण सिर्जना गर्न घरधनी मानुभावहरुलाई अनुरोध गर्दै व्यावसाय संचालन गरेका व्यावसायीहरुलाई राहतका रुपमा घरवहालमा सक्दो छुट दिन आग्रह गरे । उनले समग्र मुलुकको आर्थिक अवस्था संकटमा परेको उल्लेख गर्दै बढ्दो आर्थिक मन्दीबाट सटर भाडामा लिएर व्यापार व्यवसाय सञ्चालन गरेका व्यवसायी धाराशाहि भएमा भाडावाफत एक पैसा हात पर्न नसक्ने स्थिती आउने बताए ।
व्यापार व्यवसाय सञ्चालन गर्ने अवस्था सिर्जना गर्न नसकिएमा त्यसको प्रत्यक्ष असर आम उपभोक्ताहरुमा पनि पर्ने घिमिरेको भनाई थियो ।
चर्को बैंकको व्याजदर र घरभाडा तिर्न सक्ने अवस्था अबका दिनमा आउने चेतावनी दिदै बाध्य भएर सडकमा आउनु परेको उनीहरुको भनाई छ । व्यवसायीहरुले चर्को घरभाडा छुट गर्न माग गरेका छन् । बैंकको चर्को व्याजबाट समस्या भोग्दै आएका व्यवसायीहरुले महङो घर भाडा घटाउन आग्रह गरेका छन् ।
पछिल्लो समय बुटवलको मुख्य बजारमा नै व्यवसायीले महंगो घरभाडाका कारण पसल बन्द गरि व्यवसाय छोड्दै जानेहरुको संख्या बढ्दै गएको छ । संघका अनुसार बुटवलमा दैनिक रुपमा ५० भन्दा बढी सटर भाडा तिर्न नसक्ने जनाउदै सटरहरु खाली हुने गरेको जानकारी आउनु गरेको छ । यो अवस्था एक महिना चलेको खण्डमा बुटवलको वजार नै पलायन हुने अवस्था आउने बताइएको छ । बुटवलका मुख्य वजारमा सटर भाडामा छ भन्दै सटर तथा घरहरुमा सूचनाहरु प्रसस्त टांसेको अहिले देख्न सकिन्छ ।
महङो घर भाडाका कारण व्यवसाय पनि बन्द हुने र घरधनीले पनि भाडा नपाउने भएकाले घर भाडा घटाएमा व्यवसायीलाई व्यवसाय चलाउन पनि सहज हुने र घर धनीको घर तथा सटर पनि खाली नहुने अवस्था आउने हुदा त्यसमा गम्भिर बन्न संघका निर्वतमान अध्यक्ष यमलाल लोहनीले बताए ।
¥यालीपछि आयोजित कार्यक्रममा संघका पूर्व अध्यक्ष मोतीलाल पाण्डे, वरिष्ठ उपाध्यक्ष तथा कार्यक्रम संयोजक डिल्लीराज भण्डारी, महासचिव दयानिधि भण्डारी लगायत बोलेका थिए ।

संघको कार्यालयबाट व्यानर विभिन्न नारा लेखिएका प्लेकार्ड लिएर निस्किएको ¥याली जेसिस चोक, अमरपथ, ट्राफिकचोक, राममन्दीर लाइन, हाटवजार परिक्रममा गरि समापन भएको थियो ।