केही म्युजिक भिडियाे र चलचित्रमा अभिनय गरेकी नायिका तथा कलाकार एलिजा गौतम नागरिक उन्मुक्ति पार्टी प्रवेश गरेकी छन्।
शनिबार भैरहवामा एक कार्यक्रमको आयोजना गरेर पार्टीकी अध्यक्ष तथा सांसद् रञ्जिता श्रेष्ठले गौतमलाई पार्टीमा स्वागत गरेकी हुन्।
पार्टीले लिएको विचारबाट प्रभावित भएर आफू पार्टीमा प्रवेश गरेको उनले बताइन्। कार्यक्रममा उनले संक्षिप्त लिखित सम्बोधनसमेत गरेकी थिइन्।
जनताका हरेक अभाव पूर्ति गर्ने विषयमा आफ्नो पहल रहने उनले बताइन्। साथै उनले पार्टीले बोकेको उद्देश्य पूरा नहोउञ्जेलसम्म अहोरात्र खटिइरहने विश्वाससमेत दिलाइन्।
गौतम चर्चित पत्रकार ऋषि धमलाकी पत्नी हुन्। उनले छाेटाे समय प्राइम टाइम्स टेलिभिजनको कार्यकारी पदमा रहेरसमेत काम गरिन्।
चलचित्र, म्युजिक भिडियाे र टेलिभिजनकाे कार्यकारी पदमा रहेकी उनी अब भने राजनीतिमा प्रवेश गर्दा उनलाई कतिपयले अस्थिर भनेरसमेत टिप्पणी हुन थालेकाे छ।
