बुटवल । बुटवल ११ कालिकानगरमा रहेको चौराह अस्पताल ट्रमा तथा न्यूरो सेन्टर प्रा.लि.ले ६ महिनाको अवधिमा १ हजार ८ सय भन्दा बढिको निशुल्क स्वास्थ्य परिक्षण गरेको छ ।
सामाजिक कार्य अन्तर्गत अस्पतालले असार देखि पुस सम्मको अवधिमा लुम्बिनी प्रदेशका विभिन्न जिल्लामा आयोजना गरेको स्वास्थ्य शिविरमा १ हजार ८२० जनाको स्वास्थ्य परिक्षण गरेको हो ।
अस्पतालका बरिष्ठ जनसम्पर्क तथा सूचना अधिकृत जनक कुँवरले गरिव तथा विपन्न समुदायका जनताहरुमा लुकेको रोगको पहिचान गराउने उद्देश्यले अस्पतालले बार्षिक कार्यतालिकानै बनाएर स्वास्थ्य परिक्षण गर्दै आएको बताए ।

उनले स्वास्थ्य परिक्षणका अलवा सोही स्थानमा निशुल्क प्रयोगशाला परिक्षण, भिडियो एक्सरे जस्ता सेवाहरु समेत दिने गरेको बताए ।
अस्पतालले असार ९ गते सैनामैना ४ कुस्मामा निशुल्क स्वास्थ्य शिविर गरेको थियो । जहाँ ६ सय जनाले स्वास्थ्य परिक्षण गराएका थिए । यसैगरी अस्पतालले लुम्बिनी प्रदेश ट्राफिक तथा सडक सुरक्षा बलका ८२ जना ट्राफिक प्रहरीको गत कार्तिक २८ गते निशुल्क फोक्सोको जाँच गरेको थियो ।
त्यसैगरी अस्पतालले पुस ८ र ९ गते अर्घाखाँचीको सन्दिखर्क नगरपालिका २ अर्घाखाँची आवसिय उच्च माध्यमिक विद्यालयमा पनि निशुल्क बहृत्त स्वास्थ्य शिविर गरेको र त्यहाँ ११ सय ४० जनाले परिक्षण गरेको कुँवरले बताए ।
अर्घाखाँची शिविरमा न्यूरो, फिजिसिएन, मुट, जनरल सर्जन, महिला तथा प्रस्तुती, नाक कान घाती, युरो सर्जरी, छाला, बच्चाको जाँच तथा एपिएफ र ट्राफिको फोक्सोको जाँच गरेको उनले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

सम्बन्धित समाचार

बुटवल उद्योग वाणिज्य संघमा हरीप्रसाद अर्याल प्यानलको उम्मेद्वारी घोषणा

तिलोत्तमाको जनता मा.विले भित्रायो दुई बर्षे निःशुल्क औद्योगिक प्रशिक्षण तालीम

‘उच्च रक्तचाप र मधुमेहको नियन्त्रण गर्न सके मुटु रोगबाट बच्न सकिन्छ’

बुटवल उवासंघ अधिबेशनः दिनेश प्रसाद श्रेष्ठ प्यानलको उम्मेद्वारी घोषणा

विश्व रेबिज दिवसमा बुटवलमा प्रभातफेरी तथा अन्तरक्रिया

बुटवल उद्योग वाणिज्य संघको चुनाव : अध्यक्षमा अर्याल र श्रेष्ठ भिड्ने