प्रमुख अतिथि गिरीले नविन औद्योगिक विद्यालयले शिक्षा क्षेत्रमा गरेको योगदान अतुलनिय रहेको भन्दै विद्यालयको शैक्षिण गुणस्तरलाई अझ माथी उठाउन आग्रह गरे । उनले विद्यालयको शैक्षिक र भौतिक विकासका लागि सधै आफु सहयोगी बन्ने प्रतिबद्धता समेत सो अवसरमा व्यक्त गरे ।

वि.स. २०३३ सालमा स्थापना भएको नविन औद्योगिक माध्यमिक विद्यालयमा हाल ४१ सय विद्यार्थीहरु रहेका छन् ।

विद्यालयका प्राचार्य प्रेम बहादुर बस्नेतले अहिले पनि सरकारले सामुदायिक विद्यालयलाई गम्भिर रुपमा नहेरेको बताउनुभयो । सामुदायिक विद्यालयहरु अव्वल बन्न सक्ने उदाहरण विद्यालयले पेश गरेपनि अझै निजी स्रोतबाट शिक्षक राख्नुपर्ने, प्रयाप्त भौतिक पुर्वधारको अभाव जस्ता समस्या विद्यालयमा हुँदा सोचे अनुरुपको नतिजा दिन नसकिएको बताउनुभयो ।

कार्यक्रममा शिक्षकहरु कपिलप्रसाद पौडेल, राजेश अग्रहरी र लक्ष्मी गौतमलाई दिर्घसेवी शिक्षक सम्मान बाट सम्मान गरिएको थियो । कार्यक्रममा बुटवल उपमहानगरपालिकाका नगरप्रमुख खेलराज पाण्डेयले शैक्षिक उन्नयनका लागि उपमहानगरपालिकाले विभिन्न कार्ययोजना बनाएको भन्दै उक्त योजनामा विद्यालय पनि सहभागि बन्न आग्रह गरे ।

कार्यक्रममा उपप्रमुख सावित्रा अर्याल, प्रमुख प्रशासकिय अधिकृत टेकराज पन्थी, बडा नं. ११ का वडा अध्यक्ष रामचन्द्र क्षेत्री लगाएतले बोलेका थिए ।

सोही अवसरमा बुटवलमा भएको १५ औं राष्ट्रिय औद्योगिक प्रर्दशनीको अवसरमा आयोजित आईडलमा तेस्रो बनेकी एन्जिला खत्री क्षेत्रीलाई पनि सम्मान गरिएको थियो । नेपाली र अंग्रेजी माध्यमबाट अध्यायन हुने विद्यालयमा व्यवस्थापन, कानुन, शिक्षा, सिभिल ईन्जिनियरिङको अध्ययान हुने गर्दछ । विद्यालयमा कुल १६१ शिक्षक छन् । जसमा ८ जना मात्र स्थायी शिक्षक छन् भने सरकारी अनुदानबाट तलव खाने शिक्षकको संख्या ४१ छ । नीजि स्रोतबाट तलव खाने शिक्षकहरुको स.ख्या १२० रहेको छ ।

कार्यक्रम विद्यालयका सहायक प्राचार्य रोमनाथ घिमिरेको स्वागत तथा शिक्षक केशवराज पन्तको सञ्चालनमा सम्पन्न भएको थियो ।