लुम्बिनी प्रदेशका मुख्यमन्त्री महरा ‘पर्ख र हेर’ को अवस्थामा ४ प्रदेशमा पानी पर्दै, आज कता-कता होला भारी वर्षा? बबई नदीमाथिको झोलुंगे पुलमा रातभर फस्यो गोरू, १५ घण्टापछि बल्लतल्ल उद्धार बुटवलमा एमाले कार्यकर्ताको हत्या प्रकरणः २ जना पक्राउ लुम्बिनी प्रदेशमा डेंगु सङ्क्रमित बढे २५ लाखको लगानीमा बुटवलमा खुल्यो म्यानुयल मेडिसिन एण्ड रिह्याविलिटेसन सेन्टर गौतमबुद्ध अन्तर्राष्ट्रिय विमानस्थलबाट उडान सुरू जगदम्बा स्टिलमा विद्युत प्राधिकरणले काट्यो लाइन होटल पौवा ग्रुप ‘मिसन १००’ को यात्रामा, सिन्धुलीमा १४ औं शाखा बुद्ध जन्मस्थल लुम्बिनीमा भारतीय पर्यटक बढ्दै                
समाचार :

भैरहवाबाट सात महिनामा डेढ सय अन्तर्राष्ट्रिय उडान

यहाँस्थित गौतमबुद्ध अन्तर्राष्ट्रिय विमानस्थल सञ्चालनमा आएको सात महिनामा डेढ सय अन्तर्राष्ट्रिय उडान भएका छन् । अहिले खराब मौसमका कारण अन्तर्राष्ट्रिय उडान स्थगित भए पनि काठमाडौंस्थित त्रिभुवन अन्तर्राष्ट्रिय विमानस्थलको विकल्पको रुपमा यसको प्रयोग भइरहेको छ । तत्कालीन प्रधानमन्त्री शेरबहादुर देउवाले गत जेठ २ गते बुद्ध जयन्तीमा विमानस्थल उद्घाटन गरेका थिए ।

गौतमबुद्ध अन्तर्राष्ट्रिय विमानस्थलका महाप्रबन्धक गोबिन्दप्रसाद दाहालले उद्घाटनको दिनबाटै कुवेतको जजिरा एयरलाइन्सले साताको तीन दिन उडान थालेको जानकारी दिए । बैदेशिक रोजगारीका लागि काठमाडौंमा श्रम लगायत पक्रिया पूरा गरेका श्रमिकलाई उक्त एयरले यहाँबाट लैजाने र उताबाट त्यस्तै व्यक्ति ल्याउने गरेको थियो । यहँबाट उडान हुन थालेपछि स्थानीय सरोकारवाला र नीजि क्षेत्रका लगानीकर्ता उत्साहित थिए । उनका अनुसार यात्रुको संख्या बृद्धि भएपछि जजिरा एयरले गत भदौं ३१ गतेबाट दैनिक उडान सुरु गरेको थियो ।

‘स्थानीय स्तरमा बैदेशिक रोजगारीमा जानेका लागि श्रम कागजात, मेडिकल जाँच लगायत सुविधा नहुँदा समस्या भयो,’ दाहालले भने, ‘आवश्यक पक्रिया काठमाडौंमा पूरा गरेर जहाज चढ्न भैरहवा आउनुपर्ने भएपछि यात्रुलाई अप्ठयारो थियो ।’ जसले गर्दा जजिराले गत असोज १६ गतेबाट केही दिन बिराएर उडान गर्न थालेको उनले बताए ।

महाप्रवन्धक दाहालका अनुसार हिमालय एयरलायन्सले गत कार्तिक १७ गतेदेखि यहाँबाट दैनिक मलेसिया चाटर्ड उडान सुरु गरेको थियो । ‘अहिले खराब मौसमका कारण जजिरा र हिमालयले केही समयका लागि उडान स्थगित गरेका छन्,’ उनले भने, ‘हुस्सु र बाक्लो कुहिरोले गर्दा उडान, अवतरणमा समस्या भएको हो ।’

उनका अनुसार यहाँबाट २०२२ मे १६ तारिखदेखि डिसेम्बर १८ सम्म विभिन्न कम्पनीबाट १ सय ५४ अन्तर्राष्ट्रिय उडान भएका छन् । त्यत्तिकैं संख्या विमान अवतरण भएका छन् । ती उडान–अवतरणबाट उक्त अवधिमा १३ हजार ५ सय ९३ यात्रु यहाँ आएका छन् । यहाँबाट १८ हजार २५ यात्रु बाहिरिएका छन् ।

महाप्रवन्धक दाहालका अनुसार जजिरा र हिमालय बाहेक अहिलेसम्म भियतनाम, माल्टा, क्यानडाका विमानले उडान चाटर्ड गरेका छन् । यस अवधिमा स्काइलाइन एभियसन, एरो थाई, नेपाल एयरलाइन्स र ओर्टास लिमिटेडले उडान भरेको दाहालले जानकारी दिए । ‘यस अवधिमा धेरै विमान कम्पनीले उडानका लागि चासो देखाए,’ उनले भने, ‘यहाँ आएर विमानस्थल अवलोकन गरे । तर, उडानमा ढिलाई गरिरहेका छन् ।’

नागरिक उड्डययन प्राधिकरणले यहाँ अन्तर्राष्ट्रिय वायु सेवा कम्पनी आकर्षित गर्न अवतरण, पार्किङ, सञ्चार तथा उड्ययन सेवा र सुरक्षा जाँच शुल्कमा पहिलो वर्षका लागि शत प्रतिशत छुट व्यवस्था गरेको छ । महाप्रबन्धक दाहालका अनुसार नेपाल वायु सेवा निगमले लिने ग्राउण्ड ह्याण्डलिङ सेवा शुल्कमा गत कार्तिक १५ गतेबाट अर्को निर्णय नभएसम्मका लागि ५० प्रतिशत छुट दिने व्यवस्था गरिएको छ ।

‘ठूलो लगानी र धेरै नागरिकको भरोसाको विमानस्थल भएकाले हामीले विभिन्न चुनौतीका वाबजुद सुखदुख सञ्चालन गरिरहेका छौं,’ उनले भने, ‘यसको भविष्य राम्रो देख्छु ।’ यहाँस्थित विमानस्थलमा ४ न्यारो र एक वाइड बडी गरेर पाँच वटा विमान पार्किङ क्षमता छ । अहिले टर्मिनल भवनमा पाँच सय ५० जना यात्रु एकैसाथ अट्छन् । अन्तर्राष्ट्रिय विमानस्थलतर्फ पार्किङमा १ सय ६० ट्याक्सी र अन्य सवारी राख्न सकिन्छ ।

‘अन्तर्राष्ट्रिय विमानस्थलमा अहिले भन्सार, अध्यागमन, मेट्रोलोजी, बैंक, पारवहन तथा गोदाम व्यवस्था, सुरक्षा प्रहरी, नेपाली सेना लगायत गरेर २१ वटा कार्यालयले सेवा सुरु गरिसकेका छन्,’ दाहालले भने, ‘विमानस्थलको अप्रेशन समय २४ सैं घण्टा उपलब्ध रहेको छ ।’ यहाँबाट अन्तर्राष्ट्रिय उडानका लागि आवश्यक जनशक्ति, मेशिन, औजार लगायत उपकरण व्यवस्थित भइसकेको उनले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार