लुम्बिनी प्रदेश सरकारले आज बजेट ल्याउँदै प्रीमो एजुकेसन एण्ड भिसा सर्भिसेजको ब्राण्ड एम्बेसडरमा देब खनाल नियुक्त १५ दिने ब्रेल लिपी सिप विकास तालिम लुम्बिनी बौद्ध विश्वविद्यालयको रजिष्ट्रारमा आचार्य नियुक्त एमाले गुल्मीको अध्यक्षमा बालसिंह काउछा निर्वाचित लुम्बिनी प्रादेशिक अस्पतालमा असार १ गतेदेखि अनलाइन टिकेट सेवा बुटवलको थाइरो ल्याबमा कामना सेवा विकास बैंकका ग्राहकलाई २० प्रतिशत छुट एमाले गुल्मीमा नेतृत्वका लागि बिहानैबाट मतदानको तयारी पूर्वमै रोकियो मनसुन, अझै केही दिन गर्मी बढ्ने गौतमबुद्ध अन्तर्राष्ट्रिय विमानस्थलमा हवाई सेवा सञ्चालनका लागि चिनियाँ मन्त्रीको ध्यानाकर्षण                
समाचार :

सियारीमा भएको स्वास्थ्य शिबिरमा ८ सय बढीको जाँच

रुपन्देही । रुपन्देहीको सियारी गाउँपालिकामा बृहत स्वास्थ्य शिबिर गरिएको गरेको छ । सियारी गाउँवासीलाई स्वस्थ राख्ने योजना अनुरुप बृहत स्वास्थ्य शिबिरको गरिएको पालिकाले जनाएको छ ।
सियारी गाउँपालिका, क्रिमसन अस्पताल र लुम्बिनी रण अम्बीका शाखा आँखा अस्पतालको संयोजनमा गरिएको स्वास्थ्य शिबिरमा ८ सय बढी नागरिकले स्वास्थ्य जाँच गराएका छन् ।
सियारी २ मैनहिया माविमा भएको स्वास्थ्य शिविरमा मुटु रोग, फिसिसियन सेवा, महिला तथा प्रसुुति सेवा तथा बालरोग सेवा र आखां रोग सम्बन्धी स्वास्थ्य जाँच गरिएको गाउपालिकाका स्वास्थ्य शाखा प्रमुख बुद्धिबहादुर घर्तिले जानकारी दिए । उनले क्रिमसन अस्पतालका बिशेषज्ञ डाक्टरबाट स्वास्थ्य परिक्षण गरिएको बताए ।
उनले ३२७ जनाले आखाँको जाँच गराईएको र त्यसमध्ये ४५ जनाको मोतिया बिन्दुको अपरेसन गर्नु पर्ने बताए । त्यसै गरी ५ सय बढीले अन्य बिभिन्न रोगको बिषयमा जाँच गराएको घर्तिले बताए ।
नागरिकलाई बिभिन्न रोगका बिषयमा सचेतना फैलाउन तथा उपचार गराउन टाढा जान नसक्ने नागरिकलाई स्वास्थ्य शिबिर प्रभावकारी बन्ने उद्धेश्यले शिबिरको आयोजना गरिएको बताए ।
गाउँपालिकामा नयाँ जनप्रतिनिध आएपछि शिक्षा र स्वास्थ्यलाई पहिलो प्राथमिकता दिएर काम गर्दै आएको गाउँपालिका अध्यक्ष थानेश्वर घिमिरेले जानकारी दिए । उनले सियारीवासी नागरिकलाई स्वास्थ्य राख्ने योजना अनुरुप बिभिन्न स्वास्थ्य शिबिर राखिएको बताउनु भयो । शिबिरमा आउन नसक्ने जेष्ठ नागरिक तथा अशक्त र असाहाय नागरिकलाई घरमै गएर पनि स्वास्थ्य सेवा दिदै आएको उल्लेख गरे ।
पालिकाको संयोजनामा गाउँ स्तरमा भएको स्वास्थ्य शिबिरले नागरिकमा पनि उत्साह थपेको छ । शिबिरमा स्वास्थ्य उपचार गराएका शिबकुमार मालिले स्वास्थ्य शिबिरबाट आफु निकै लाभान्वित भएको बताए । उनले आफुजस्तै अन्य सेवाग्राहि पनि शिबिरबाट लाभान्वित भएको उल्लेख गरे ।
सियारी गाउँपालिकाले स्वास्थ्यका क्षेत्रमा उल्लेख्य काम गरेको छ । पालिकाले आफ्ना नागरिकलाई स्वास्थ्य सेवामा लाभ पु¥याउने उद्धेश्यले रगत र मोतिया बिन्दुको अपरेसनलाई निशुल्क बनाएको छ । नागरिक स्वस्थ भए पालिका पनि स्वस्थ हुने नीति अनुरुप स्वास्थ्य क्षेत्रमा उल्लेख्य लगानी गरेको पालिकाले जनाएको छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार