बुटवलमा बोलेरो जीप दुर्घटनामा ३ जनाको मृत्यु, २ घाइते उफ् गर्मी ! रुपन्देहीको गुरौलीबाट अनुमति बिनै नदीजन्य पदार्थ उत्खनन् ३० लाखको लगानीमा तिलोत्तमामा क्रिकेट खेलाडीको सम्मानमा बन्यो आइटी पार्क (तस्वीरहरु) दाङबाट काठमाडौं जाँदै गरेको बस रूपन्देहीमा दुर्घटना पश्चिम तराईमा तापक्रम ४० डिग्रीभन्दा माथि, मौसम विभागले जारी गर्यो विशेष बुलेटिन भजन प्रतियोगिताको उपाधी बडा नम्बर ५ लाई साउनदेखि बायोमेट्रिक प्रणालीबाट सामाजिक सुरक्षा भत्ता बितरण गर्दै तिलोत्तमा राजश्व सम्बन्धि अस्थिर नीतिले उद्योगी व्यवसायी मारमा तिनाउ खोलामा डुबेर भारतीय नागरिकको मृत्यु                
समाचार :

प्रतिनिधिसभामा निर्वाचित पूर्वमेयर घिमिरेलाई तिलोत्तमाको सम्मान

रूपन्देहीको तिलोत्तमा नगरपालिकाले क्षेत्र नं.५ बाट प्रतिनिधिसभा सदस्यमा निर्वाचित बासुदेव घिमिरेलाई सम्मान गरेको छ।

नगरपालिकाका पूर्वमेयर समेत रहेका घिमिरे हालै सम्पन्न निर्वाचनमा रूपन्देहीको क्षेत्र नं. ५ बाट प्रतिनिधिसभा सदस्यमा निर्वाचित भएका थिए।

घिमिरेलाई मंगलबार नगरपालिका कार्यालयले बधाई सहित सम्मान गरेको हो। नगरपालिकाका मेयर रामकृष्ण खाणले प्रतिनिधिसभा सदस्यमा निर्वाचित घिमिरेलाई पुष्पगुच्छा र टिका लगाईदिएर सम्मान गरेका हुन्।

यसअघि २०७४ सालको स्थानीय तहको निर्वाचनमा घिमिरेले खाणलाई पराजित गर्दै तिलोत्तमा नगरपालिकाको मेयरमा निर्वाचित भएका थिए। यसपटक क्षेत्र नं. ५ बाट सत्ता गठबन्धनका उम्मेदवार नेपाली कांग्रेसका नेता भरत कुमार साहलाई पराजित गर्दै घिमिरे निर्वाचित भएका हुन्।

नगरपालिकाका मेयर खाणले प्रतिनिधिसभामा नगरपालिकाका पूर्व मेयरको विजयी यात्रा सिंगो तिलोत्तमा नगरपालिकाकै सान र गौरव भएको बताए। उनले निर्वाचित भएको क्षेत्रको मात्र नभई तिलोत्तमा नगरपालिकाका हरेक विकास निर्माणका कामहरुमा सहकार्य गर्दै अगाडि बढ्न आग्रह गरे। ‘पूर्व नगरप्रमुखको प्रतिनिधिसभा सदस्यको विजयी यात्रा उहाँको खुसीको कुरा मात्र होईन, सिंगो तिलोत्तमा नगरपालिकाकै गौरबको विषय हो,’ खाणले भने।

खाणले नगरप्रमुख हुँदा देशभरी कमाएको ख्यातीलाई प्रतिनिधिसभा सदस्य रहँदा अझै उचाईमा पुर्‍याउनुपर्ने बताए।

तीन वटै तहका सरकारको सहकार्य र साझेदारीबाट मात्र मुलुकको विकास सम्भव भएकोले देश विकास गर्ने सवाल र जनतालाई सेवा प्रदान गर्ने सवालमा एकतावद्ध भई मिलेर अगाडि बढ्नुपर्ने मेयर खाणको भनाई थियो।

सम्मान ग्रहण गर्दै निर्वाचित प्रतिनिधिसभा सदस्य घिमिरेले आफूले तिलोत्तमाको मेयर रहँदा कमाएको माया, सम्मान र जनताप्रतिको विश्वासको कारण अहिलेको अवस्थामा आएको भन्दै आफूप्रति जनताले गरेको विश्वासलाई कहिल्यै कमि आउन नदिने बताए।

‘म अहिले जहाँ पुगेको छु जनताको मायाँ र विश्वासका कारण पुगेको छु, यो विश्वास र मायालाई कमि आउन दिने छैन,’ उनले भने।

घिमिरेले आफ्नै कार्यकालमा तिलोत्तमा नगरपालिकालाई मुलुककै उत्कृष्ट नगरपालिका घोषणा गर्न सफल भएको उल्लेख गर्दै यहाँ सञ्चालित विकास निर्माण आयोजना सम्पन्न गर्न आफ्नो तर्फबाट सधै साथ र सहयोग रहने बताए। उनले क्षेत्र नम्बर ५ बाट निर्वाचित भए पनि त्यो क्षेत्र सँगै तिलोत्तमा नगर र समग्र रुपन्देही जिल्लाकै विकासका लागि सदैव लाग्ने बताए।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार