नुहाउन गएकी प‌द्माको छिमेकीबाटै हत्या, सागरको घरमा भेटियो रगत लतपतिएको खुर्पा र किशोरीको मोबाइल लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी धनगढीबाट काठमाडौं उडेको श्री एयरको जहाज गौतमबुद्ध विमानस्थलमा अवतरण बुटवल-चन्द्रौटा सडक निर्माण गर्न २२ कम्पनीको आवेदन रुपन्देहीको शुद्धोधनमा कुटपिट गरी वृद्धको हत्या पश्चिम नेपाल बस व्यवसायी प्रा.लिमा चुनावी रौनक बुटवलका केही मासु पसलमा व्यवसायीकाे मनपरी, २ वटा मासु पसललाई जरिवाना गराइयाे एसइईको तयारी पूराः लुम्बिनीबाट ८३ हजार ४ सय विद्यार्थी सहभागि हुँदै                
समाचार :

एमालेबाट जितेर कांग्रेस नेतालाई प्रम बनाउनेहरु कम्युनिष्ट होइनन्ः छविलाल

देवदह । नेकपा एमालेका सचिव छविलाल विश्वकर्माले एमालेको मतबाट विजयी भएर जनमतको अनाधर गर्दै अदालतमा गएर कांग्रेसको नेतालाई प्रधानमन्त्री बनाई पाउँ भनी विन्ति विसाउनेहरु अहिले खाँटी कम्युनिष्ट बनेको बताएका छन् ।

उनले आफ्नै दलको प्रधानमन्त्रीलाई विश्वासको मत नदिने तर अहिले भने विधि र प्रक्रियाको कुरा गरेर नागरिकलाई छल गरिरहेको आरोप लगाए । उनले कम्युनिष्ट आन्दोलनलाई वीचमै छोडेर भाग्नेहरुले देशको विकास गर्छु भन्ने कुरा नागरिकलाई ढाँट्ने कामवाहेक केही नभएको आरोप लगाए ।

रुपन्देहीको देवदह नगरपालिका ५, मा नेकपा एमाले, राप्रपा र जसपाको संयुक्त घरदैलोको क्रममा भएको कोणसभामा बोल्दै उनले यस्तो बताएका हुन् । रुपन्देही क्षेत्र नम्वर १, प्रतिनिधि सभा सदस्यका उम्मेदवार रहेका नेता विश्वकर्माले समृद्ध राष्ट्र निर्माणको लागि एमाले नेतृत्वको सरकार आवश्यक रहेको दावी गरे । उनले राष्ट्र र राष्ट्रियताको लागि मंसीर ४ पछि एमालेका अध्यक्ष केपी शर्मा ओलीको नेतृत्वमा बहुमतको सरकार गठन हुने बताए ।

उनले रुपन्देहीको क्षेत्र नम्वर १, को विकासको लागि दीर्घकालीन योजना अगाडि सारेपनि गठबन्धन सरकारले बजेट कटौती गर्दा ओझेलमा परेको आरोप लगाए । नेता विश्वकर्माले एमाले सरकारले अगाडि सारेको स्वास्थ्य बिमा कार्यक्रम गठबन्धन सरकारले वेवास्ता गर्दा प्रभावकारी हुन नसकेको बताए ।

मंसीर ४ पछि एमालेको नेतृत्वमा सरकार गठन भएपछि सामाजिक सुरक्षा भत्ता ५ हजार पुराउने, नागरिकको स्वास्थ्यलाई मध्यनजर गर्दै एक पालिका, एक अस्पतालको अवधारणालाई कार्यान्वयनमा लैजाने प्रतिवद्धता गरेका छन् । उनले एमालेको नेतृत्वमा बन्ने सरकारले मात्र सुकुम्वासी तथा अव्यवस्थित बसोवासको समस्या समाधान गर्ने र रोहिणी नदीलाई राष्ट्रिय योजनाको रुपमा अगाडि सारेर पर्यटकीय क्षेत्रको रुपमा विकास गरिने योजना रहेको बताए ।

सोही अवसरमा बोल्दै क्षेत्र नम्वर १(१) प्रदेश सभा सदस्यका उम्मेदवार तथा राप्रपाका नेता आशिष चौधरीले यस क्षेत्रमा नेपाली काग्रेसले धेरै बर्ष जितेपनि केही विकास गर्न नसकेको बताए । उनले राष्ट्र र राष्ट्रियता बचाउनको लागि नेकपा एमाले, राप्रपा र जसपाबीच चुनावी तालमेल गरेको बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार