लुम्बिनी वल्र्ड स्कुलले असल अभिभाकत्व र तनाव व्यवस्थापन तालिम आयोजना गर्दै लुम्बिनी प्रादेशिक अस्पतालमा निसन्तान दम्पत्तिका लागि ‘आइयुआई’ सेवा सुरु ड्रिम युनिक रुपन्देही सुपरलिग: डिभिजन ‘ए’काे पहिलाे खेलमा सैनामैना विजयी धनगढीबाट काठमाडौं उडेको श्री एयरको जहाज गौतमबुद्ध विमानस्थलमा अवतरण बुटवल-चन्द्रौटा सडक निर्माण गर्न २२ कम्पनीको आवेदन रुपन्देहीको शुद्धोधनमा कुटपिट गरी वृद्धको हत्या पश्चिम नेपाल बस व्यवसायी प्रा.लिमा चुनावी रौनक बुटवलका केही मासु पसलमा व्यवसायीकाे मनपरी, २ वटा मासु पसललाई जरिवाना गराइयाे एसइईको तयारी पूराः लुम्बिनीबाट ८३ हजार ४ सय विद्यार्थी सहभागि हुँदै पाल्पामा घाँटी रेटेर युवतीको विभत्स हत्या                
समाचार :

प्यूठानको योजनावद्ध विकास हाम्रो मुख्य एजेण्डा हो– एमाले नेता थापा

एकमात्र निर्वाचन क्षेत्र रहेको प्यूठानमा प्रतिनिधिसभा सदस्य उम्मेदवारमा नेकपा एमालेबाट पार्टीको पोलिटब्यूरो सदस्य एवं जिल्ला इन्चार्ज सूर्य थापा उठेका छन् । विद्यार्थी जीवनदेखि राजनीतिमा सक्रिय थापा तीन दशक लामो समय पत्रकारितामा पनि सक्रिय भए । पूर्व प्रधानमन्त्री झलनाथ खनाल र केपी शर्मा ओलीको प्रेस सल्लाहकार भएर जिम्मेवारी पूरा गरेको थापासँग अनुभव छ । समाजशास्त्रमा स्नातकोत्तर तथा व्यवस्थापनमा स्नातक गरेका थापाका आधा दर्जन बढी विभिन्न पुस्तकहरु प्रकाशनमा छन् । ०६० सालमा प्रकाशन गरिएको ‘विश्वमा राजतन्त्र ः उत्थान, पतन र भविष्य’ पुस्तकले नेपालमा गणतन्त्रको स्थापनाका निम्ति राष्ट्रिय माहोल बनाएको थियो ।
पार्टीको प्रचार क्षेत्रलाई करिब डेढ दशक नै कार्यकारी रुपमा नेतृत्व गरेका थापाले आमसंचार र पर्यटन क्षेत्रको भूमिकालाई सफलतापूर्वक निर्वाह गरेका थिए । आफ्नो अभिव्यक्तिमा प्रष्ट र खरो स्वभाव एवं निर्भिकता उनमा पाइन्छ । एमाले प्यूठानले एकल सिफारिस गरी उम्मेदवार बनाएपछि थापाको चुनावी रौनकले जिल्लामा बेग्लै उत्साह जगाएको छ । जिल्लाका नौ स्थानीय तहका ६४ वटा वडाहरुमध्ये  ६० वटा वडाहरुमा पुगेर मतदातासँग भेटघाट, घरदैलो र चुनावी सभाहरु सकिएका छन् ।

तपाईंको उम्मेदवारी के का लागि ?

प्यूठान जिल्ला चेतना, जागरण र राजनीतिक परिवेशका हिसावले देशकै अग्रणी र सचेत जिल्लाहरुमध्ये पर्दछ । तर, लामो समयदेखि यहाँको कम्युनिष्ट आन्दोलन गलत नीति र सिद्धान्तहीन बाटोका कारण दिग्भ्रमित जस्तो भइरहेको छ । करिब ७७ प्रतिशत कम्युनिष्ट जनमत हुँदाहुँदै आज जिल्लाको निर्णायक हैसियत कायम गर्न कम्युनिष्ट समूहहरुलाई कठिन परिरहेको छ । यस्तो अवस्थामा नेकपा (एमाले) को स्पष्ट नीति, दृष्टिकोण र संगठनात्मक सामथ्र्य सहित जिल्लाको नेतृत्व गर्ने उद्घोषका साथ मैले पार्टीको समग्र नेतृत्व विकासमा जोड दिएको छु । र, तदनुरुप नै पार्टी पंक्तिलाई क्रियाशिल र जनतालाई गोलबन्द गर्दै निर्वाचनको मैदानमा होमिएको छु । देशको सवैभन्दा ठूलो पार्टीको हैसियतमा नेकपा (एमाले) लाई जनतामा स्थापित गर्न र जनताको जनमत प्राप्त गर्न नै मेरो उम्मेदवारी हो ।

मतदाताले तपाईँलाई के प्रश्न गरिरहेका छन् ?

मतदाताले खास प्रश्न गरिरहेका छैनन् । आशा र विश्वासको नजरले हेरिरहेका छन् । खासगरी प्यूठानको अवस्थालाई मध्यनजर गरेर विकास र समृद्धिको नेतृत्व गर्न ठोस रुपमा योगदान गर्नुहोस् भनेर आर्शिवाद दिइरहेका छन् । जनताको आशा, विश्वास र भरोसा अत्यन्त प्रेरक रहेको छ । पटकपटक अरुलाई हेर्यौ, यसपटक तपाईलाई जिताएर पठाउँछौ भन्ने आम मतदाताको अभिमत मैले पाएको छु । मतदाताहरुले आफ्नो मतको सदुपयोग र फेरिएको प्यूठान हेर्न चाहेका छन् । हामी त्यसप्रति निकै संवेदनशील भएर मतदाताहरुको विश्वास जित्न लागेका छौँ ।

चुनाव जित्न त व्यापक रुपमा जनतालाई आकर्षित गर्न सक्ने एजेण्डा चाहिएला नि ? त्यस्तो के छ तपाईंसँग ?

प्यूठानलाई राष्ट्यि राजनीतिको पहुँचमा जोड्ने र जिल्लाको अहिलेको अवस्थालाई बदल्ने हाम्रो प्रमुख एजेण्डा हो । करिब ३० वर्षदेखि रजगज गर्दै आइरहेको नेकपा मसालका कारण प्यूठान पछाडी परेको छ । यस अवस्थालाई अन्त्य गरेर हामीले योजनावद्ध विकासको ठोस प्रक्रिया थाल्ने र जिल्लालाई अरु छिमेकी जिल्ला सरह विकासको प्रक्रियामा अगाडि बढाउने एजेण्डालाई प्रखर ढंगले उठाएका छौँ ।
पूर्वाधार विकास र समृद्धिको यात्रालाई नेकपा (एमाले) ले मात्रै नेतृत्व गर्नसक्ने हुँदा हामीले यस अभियानमा समृद्ध प्यूठान, सुखी प्यूठानीको जनआकांक्षा अघि सारेका छौँ । यसको कार्यान्वयन नै हाम्रो जोडदार एजेण्डा हो । हामी धेरै ठूला ठूला कुरा गर्नेभन्दा पनि योजनाबद्ध, व्यवस्थित र महत्वपूर्ण साना साना कामहरु गर्दै आम जिल्लाबासीको हितमा योगदान गर्न चाहान्छौँ । प्यूठानलाई समृद्ध बनाउन हामीले लिखित ५१ बुँदे प्रतिवद्धताहरु पनि मतदाताका माझ पु¥याएका छौ । बदलिएको प्यूठान बनाउनका लागि जिल्लाबासीको माग, सल्लाह र सुझावबाटै हाम्रो विकासको यात्रा अघि बढ्ने छ ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार