पूर्वमै रोकियो मनसुन, अझै केही दिन गर्मी बढ्ने गौतमबुद्ध अन्तर्राष्ट्रिय विमानस्थलमा हवाई सेवा सञ्चालनका लागि चिनियाँ मन्त्रीको ध्यानाकर्षण बुटवलमा बोलेरो जीप दुर्घटनामा ३ जनाको मृत्यु, २ घाइते उफ् गर्मी ! रुपन्देहीको गुरौलीबाट अनुमति बिनै नदीजन्य पदार्थ उत्खनन् ३० लाखको लगानीमा तिलोत्तमामा क्रिकेट खेलाडीको सम्मानमा बन्यो आइटी पार्क (तस्वीरहरु) दाङबाट काठमाडौं जाँदै गरेको बस रूपन्देहीमा दुर्घटना पश्चिम तराईमा तापक्रम ४० डिग्रीभन्दा माथि, मौसम विभागले जारी गर्यो विशेष बुलेटिन भजन प्रतियोगिताको उपाधी बडा नम्बर ५ लाई साउनदेखि बायोमेट्रिक प्रणालीबाट सामाजिक सुरक्षा भत्ता बितरण गर्दै तिलोत्तमा                
समाचार :

गुल्मी मालिका ६ अर्जैका ३० भन्दा बढि युवा एमालेमा प्रवेश

बुटवल । नेपाली कांग्रेस पार्टी परित्याग गरी गुल्मीको मालिका गाउँपालिका वडा नं. ६ अर्जैमा ३० जना भन्दा बढि युवा एमालेमा प्रवेश गरेका छन् । मालिका गाउँपालिका वडा नं. ६ का विभिन्न स्थानमा भएको पार्टी प्रवेश कार्यक्रममा युवा नेता गगन विष्टको नेतृत्वमा ३० जना भन्दा बढि युवा कांग्रेस परित्याग गरी एमालेमा प्रवेश गरेका हुन ।

एमाले प्रवेश गरेकाहरुलाई एमाले सचिव एवं गुल्मी क्षेत्र नं. २ प्रतिनिधी सभा सदस्यका उम्मेदवार गोकर्ण विष्टले टिका तथा माला लगाएर स्वागत गरेका थिए ।


सो अवसरमा बोल्दै नेता विष्टले युवालाई देशमै स्वरोजगार बनाउनुका साथै युवाहरुलाई विदेश पलायनबाट रोक्ने योजना एमाले संग मात्र रहेको बताए । उनले गुल्मेली धेरै युवाहरु नेपालमै विभिन्न क्षेत्रमा रहेर चर्चा कमाइरहेको उल्लेख गर्दै नेकपा एमाले युवालाई विदेश पठाएर रेमिटान्स बाट मुलुक चलाउने पक्षमा नभई युवालाई देशभित्र राख्ने र समृद्ध नेपाल निर्माणको सम्बाहक युवालाई बनाउने बताए ।
साथै नेता विष्टले गुल्मीको थप विकास जनताले फेरी एकपटक एमालेलाई सुम्पिनुपर्ने बताए । अहिले गुल्मी–२ का विभिन्न स्थानमा सडकहरु निर्माण भइरहेको बताउँदै नेता विष्टले अब सडक पुर्वधारको क्षेत्रमा गुल्मीले फड्र्को मार्ने बताए ।

गुल्मी–२ मा मात्र १ सय भन्दा बढि सडकका योजना कार्यान्वयनको क्रममा रहेको भन्दै सडक सञ्जाल आगामी ५ बर्ष भित्रमा जिल्लाभर फैलने उनले बताए ।

सडकका अलवा पक्की पुल निर्माणलाई पनि आफुले प्राथमिकतामा राखेर योजना पारेको उनले बताए । मदन भण्डारी राजमार्ग अन्तर्गत ४ वटा पक्की पुल निर्माणका लागि ठेक्का भइसकेको र काम पनि जारी रहेको बताउँदै गुल्मी २ मा आगामी ५ बर्ष भित्रमा कार्यान्वयनको चरणमा रहेका ५० भन्दा बढि पुल निर्माणको काम सम्पन्न हुने बताए । साथै उनले विद्युक्तिकरण, खानेपानी, स्वास्थ्य, विद्यालयका भवन निर्माणको योजनालाई पनि अघि बढाउने बताए ।

आफु निर्वाचित भएर गइसकेपछि सधै जनताको सेवामा सर्मपित भएर काम गरेको स्मरण गर्दै नेता विष्टले फेरी पनि गुल्मी–२ का जनताको सेवक बन्न आफु तयार रहेको बताए ।
पुर्वउर्जा मन्त्री समेत रहेका नेता विष्टले अहिले आफुले ल्याएका कतिपय क्रमागत योजनालाई विपक्षीहरुले आफै ल्याएको भन्दै कुप्रचार गरेको बताउंदै विपक्षी नेताहरुले अहिले सम्म १० हजार बराबरको योजना गुल्मी–२ मा नपारेको उनले बताए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार