एमाले सरकारमा रहंदा जग्गा नापजांचको कामसम्पन्न भई लालपुर्जा दिनै लाग्दा सरकारबाट बाहिरिदा लालपुर्जा वितरणको कार्य हुन नपाएको बताउंदै नेता गिरीले अब सरकारमा पुग्न साथ विधि र प्रक्रियाअनुसार अव्यवस्थित र भुमिहीनहरुलाई लालपुर्जा वितरण गरिने उनले बताए ।

शक्तिशाली भुमि आयोगबाट काम भइरहेको अवस्थामा अव्यवस्थित र भुमिहिन विरोधी तत्वहरुले षडयन्त्रपूर्वक मुद्दा मामिला गरेर लालपुर्जा वितरणको कार्य रोकेको समेत उनले बताए ।

नेता गिरीले तिनाउ दानव कोरिडोरको विकास गर्दा स्थानीयलाई व्यवस्थापन प्रमुख प्राथमिकतामा राखिने बताए ।

उनले बेलबास–बेथरी सडक निर्माणाधीन अवस्थामा रहेको बताउंदै यो आयोजनालाई छिटो सम्पन्न गराउने पहल गर्दै यो सडकलाई पर्यटनको विकास संग जोड्ने योजना एमालेले बनाएको बताए ।

साथै एमालेले सरकारमा रहँदा वा नरहँदा पनि सधै जनताका समस्या, भावना बुझ्ने गरेकाले अबको निर्वाचनमा पनि जनताले एमालेलाई स्वीकार गर्नुको विकल्प नरहेको नेता गिरीले बताए ।

उनले मुलुकको स्थिरता र समृद्ध विकासका लागि एमालेको सरकार आवश्यक रहेको भन्दै गठबन्धनबाट जनताको आशा मरिसकेको बताए ।

गठबन्धन सरकारका गतिविधिले संघीयतामाथि नै प्रश्न उठ्न थालेको बताउंदै नेता गिरीले एमालेले सरकारमा नेतृत्व गर्न साथ संघीयताको मर्म र भावना जनतालाई अझ बढी बुझाउँदै संघीयतालाई बलियो बनाउनतर्फ लाग्न आग्रह गरे ।