एमाले बाँकेको अध्यक्षमा निरक गुरुङ निर्वाचित गुल्मी इस्माका अग्निपीडितका आवास बनाउन ज्यामी अभाव बुटवलको झोलुङ्गे पुल नजिकै एम्बुलेन्सको ठक्करबाट एक जनाको मृत्यु लुम्बिनी प्रदेश सभाको बैठक आज बहराइच जिल्लामा हुन थालेको चुनावलाई लिएर नेपालगञ्ज नाका बन्द चलचित्र पत्रकार संघ नेपाल, रुपन्देहीले २ वटा पुरस्कार वितरण गर्दै रुपन्देहीमा ६९ हजारभन्दा धेरै बालबालिकालाई पोलियो विरुद्धको खोप लगाइँदै शान्तिपुरमा सञ्चालन गरिएको स्वास्थ्य शिविरमा १७ सयको निःशुल्क उपचार गुल्मीमा बाढीले पुल निर्माणका सामग्रीमा क्षति तराईमा फेरि चल्न थाल्यो तातो हावा                
समाचार :

रुपन्देही–३ : बालकृष्ण खाँण र दीपक बोहोराबीच रोचक प्रतिस्पर्धा

आसन्न प्रतिनिधिसभा निर्वाचनका लागि रुपन्देही क्षेत्र नं. ३ मा सत्तारुढ गठबन्धन र एमाले–राप्रपा गठबन्धनबीच रोचक प्रतिस्पर्धा हुने देखिएको छ । यो निर्वाचन क्षेत्रमा नेकपा एमालेले राप्रपा उम्मेदवारलाई सघाएको छ ।

सत्तारुढ पाँच दलीय गठबन्धनको तर्फबाट नेपाली कांग्रेसका नेता एवं गृहमन्त्री बालकृष्ण खाँण उम्मेदवार छन् । यहाँ एमाले–राप्रपा गठबन्धनबाट राप्रपाका नेता दीपक बोहोरा उम्मेदवार छन् ।

पञ्चायतकालमा चार र गणतन्त्र स्थापनापछि तीन पटक मन्त्री बनिसकेका राप्रपाका नेता दीपक बोहोरा उमेरले ७२ वर्ष भए पनि एमालेको साथ पाएर सशक्त दाबेदारका रूपमा देखिएका छन् । यस क्षेत्रमा कांग्रेसका बालकृष्ण खाँण पनि बलिया उम्मेदवार हुन् ।
०७४ सालको निर्वाचनमा नेपाली कांग्रेसको समर्थनमा बोहोराले एमालेका घनश्याम भुसालसँग प्रतिस्पर्धा गरेका थिए । तत्कालीन वाम गठबन्धनका उम्मेदवार भुसालसँग बोहोरा ५ हजार ४४४ मतान्तरले पराजित भएका थिए । अहिले भने कांग्रेससँगै बोहोराको मुख्य प्रतिस्पर्धा हुने देखिएको छ ।
यसर्थ सकस छ खाँणलाई

यो निर्वाचन क्षेत्रमा राप्रपाको राम्रो प्रभाव छ । अर्कोतिर जनमतमा एमाले पनि सशक्त पार्टीका रूपमा स्थापित छ । त्यसैले एमाले र राप्रपाबीचको तालमेल कांग्रेसका उम्मेदवार खाँणका लागि चुनौतीपूर्ण देखिन्छ ।

अर्कोतर्फ यहाँ नेपाली कांग्रेसभित्र संस्थापन पक्ष र शेखर कोइराला पक्ष गरी दुई गुट सक्रिय छन् । रुपन्देहीको महाधिवेशनमा अघिल्लो वर्ष यी दुई गुटबीच कुटाकुट नै भएको थियो । कांग्रेसभित्रको गुटबन्दीका कारण खाँणलाई थप चुनौती देखिन्छ ।

त्यस्तै तिलोत्तमामा आफ्नै भाइ रामकृष्ण खाँणलाई मेयर बनाएकोप्रति कतिपय नेता कार्यकर्ता कांग्रेस नेता बालकृष्ण खाँणप्रति रुष्ट बनेका छन् । उनीमाथि नातावादको आरोप लाग्ने गरेको छ ।

बोहोरालाई पनि छ चुनौती

नेकपा एमालेको समर्थनमा उम्मेदवार बनेका बोहोरालाई एमालेको एक हिस्साले भोट नहाल्न सक्छ । यसअघि चुनाव लडेका एमाले नेता भुसालले पार्टीबाट यसपटक टिकट नपाएपछि भुसालका समर्थक केही नेता कार्यकर्ता पार्टी नेतृत्वप्रति रुष्ट बनेका छन् ।

यस क्षेत्रका अगुवा एमाले नेताहरू डा. राप्रसाद बस्याल, सुरेन्द्र उपाध्याय लगायत एउटा पङ्क्ति पार्टी नेतृत्वप्रति असन्तुष्ट देखिएको छ । भुसाललाई टिकट नदिनकै लागि यो क्षेत्रमा राप्रपासँग तालमेल गरेको भन्दै उनीहरु रुष्ट भएका हुन् । यी रुष्ट नेताहरुले बोहोरालाई नसघाउन सक्छन् । जसका कारण बोहोरालाई पनि चुनाव जित्न निकै चुनौती देखिन्छ ।

यस्तो छ अंकगणित

रुपन्देही–३ मा कांग्रेसका वडाध्यक्ष पदका उम्मेदवारहरूले ३४ हजार १५३, एमालेका वडाध्यक्ष उम्मेदवारहरूले २९ हजार ४८ र राप्रपाका वडाध्यक्ष उम्मेदवारहरूले १३ हजार ३९७ मत पाएका छन् ।

यस्तै, जसपाका वडाध्यक्ष उम्मेदवारहरूले ६ हजार १८३, माओवादी केन्द्रका वडाध्यक्ष उम्मेदवारहरूले दुई हजार ८८१, लोसपाका वडाध्यक्ष उम्मेदवारहरूले दुई हजार १७४ र नेकपा एकीकृत समाजवादीका वडाध्यक्ष उम्मेदवारहरूले ९७७ मत पाएका थिए ।

यो मतका आधारमा सत्ता गठबन्धनमा रहेका दलको मत ४० हजार १६७ पुग्छ भने एमाले–राप्रपा–जसपा गठबन्धनको मत ४८ हजार ६ सय २८ हुन्छ । तर, एमालेको असन्तुष्ट पक्षले अन्तरघात गरेको खण्डमा बोहोरालाई जित निकाल्न कठिन हुने देखिन्छ । किनकि, २०७४ को निर्वाचनमा यसै क्षेत्रबाट विजयी भएका घनश्याम भुसाल पछिल्लो समय एमालेबाट बाहिरिएका छन् । उनका समर्थकहरूले निर्वाह गर्ने भूमिकाले नै यो क्षेत्रको नतिजालाई प्रभाव पार्न सक्ने देखिन्छ ।

रुपन्देही क्षेत्र नं. ३ मा सिद्धार्थ नगरपालिका, शुद्धोधन गाउँपालिका, तिलोत्तमा नगरपालिकाका वडा नं. १३ र १४, बुटवल उपमहानगरका १४, १५, १६, १७, १८ र १९, सियारी गाउँपालिकाका १, २, ३, ४, ५, ६ र ७, मायादेवी गाउँपालिकाका ७ र ८ तथा ओमसतिया गाउँपालिकाको वडा नम्बर २ पर्दछ ।

रातोपाटी बाट साभार

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार