
राष्ट्रियसभाका पूर्वसांसद दृगनारायण पाण्डे पुनः एमालेमा फर्किएका छन् । उनी नेपाली कांग्रेस छाडेर एमालेमा प्रवेश गरेका हुन् ।
कपिलवस्तु जिल्लाका नेता पाण्डे २०७४ सालको निर्वाचनमा नेकपा (एमाले) बाट लुम्बिनीको प्रदेशसभाका सांसद थिए ।
पाण्डेले एमाले छाड्ने निर्णय आफ्नो जीवनको गम्भीर पाठ भएको बताएका छन् । एक वक्तव्य प्रकाशित गरी उनले निःशर्त एमालेमा समाहित भएको जनाएका छन् ।
पाण्डेलाई नेकपा (एमाले) का केन्द्रीय सदस्यद्वय गिरधारीलाल न्यौपाने र बलराम अधिकारीले पार्टीमा स्वागत गरे ।