बुटवल । पत्रकार महासंघका अध्यक्ष विपुल पोखरेलले पे्रसमैत्री कानुन बनाउन राज्य सकरात्मक नभएको बताएका छन् ।
संविधानले प्रेस स्वतन्त्रताको ज्ञारण्टी गरेपनि पे्रसमैत्री कानुन बनाउन राज्य गम्भीर नबन्दा पत्रकारिता पेशा असुरक्षित रहेको बताए ।
पत्रकार महासंघ रुपन्देहीको आइतबार बुटवलमा सम्पन्न साधारण सभामा बोल्दै अध्यक्ष पोखरेलले पेशागत सुरक्षाका लागि पे्रसमैत्री नीति बनाउन आवश्यक रहेको बताए ।
पत्रकारिता पेशालाई मर्यादित र विश्वासनियता बनाउनु पर्ने र त्यसका लागि सुद्विकरण आवश्यक रहेको बताउंदै सुद्विकरणका लागि महासंघले शाखाहरुमा पत्राचार गर्ने प्रतिवद्वता जनाए ।
बुटवललाई मिडियाको राजधानी बनाउन सकिने र त्यसका लागि मिडिया सम्बन्धी क्याम्प, अनुसन्धान केन्द्र स्थापना गर्न सकिने उनको भनाई छ ।
उनले पत्रकार महासंघलाई नागरिकको हितमा सशक्त र बलियो बनाउनु पर्नेमा जोड दिए । बुटवल उपमहानगरपालिकाका प्रमुख खेलराज पाण्डेले निष्पक्ष पत्रकारिता आवश्यक रहेको बताउंदै गलत कुराको निडरताका साथ कलम चलाएर सचेत गराउने पत्रकारिताको धर्म र मर्म मर्यादित हुनुपर्ने बताए ।