बुटवल । नेकपा एमालेका पोलिटब्युरो सदस्य तथा रुपन्देही क्षेत्र नम्बर २ ‘२’ का उम्मेदवार लिला गिरीले विगतमा थालिएका प्रदेश समृद्धिका योजना पूरा गर्नका लागि आफ्नो उम्मेदवारी भएको बताएका छन् ।
लुम्बिनी प्रदेशमा एमाले नेतृत्वको सरकारले ल्याएका महत्वपूर्ण आयोजनाहरुको बजेट कटौती गरेर वर्तमान सरकारले अलपत्र पारेको बताउँदै उनले ती योजनाहरुको निरन्तरताका लागि एमालेकै नेतृत्व आवश्यक रहेको बताए ।
नेता गिरीले एमाले नेतृत्वको सरकारले प्रदेशमाका पहाडी ६ जिल्ला जोड्ने पाल्पाको रामपुरदेखि सल्यानको कपुरकोट जोड्ने प्रदेश राजमार्ग, बुद्धजन्मस्थल लुम्बिनीको पर्यटन प्रवद्धन गर्न लुम्बिनी भ्रमण वर्ष २०७६, लुम्बिनी, देवदह र तिलौराकोटमा बुद्धपरम्परा मनाउन सुरु, अलपत्र बेलवास बेथरी पर्यटन मार्गलाई तीव्रता, सिद्धबाबाको विकल्प धागो कारखाना चरंगे हुंदै चौकीभन्ज्याड सडक, जीतगढी किल्लाको संरक्षण र प्रवद्र्धन, बुटवल नुवाकोट सडक विस्तार, बुटवलको योगीकुटी नेपालगन्ज रोड जोड्ने बुटवल कालिकापथ ४ लेन सडक निर्माणलाई विशेष योजनाका साथ अगाडि बढाएको बताए ।
उनले बुटवल मेडिकल कलेजलगायतका विशेष योजनालाई अहिलेका सरकारले अलपत्र पार्न खोजेकाले मतदाता सचेत हुनुपर्ने बताए ।
उनले बुटवलको भुर्कीचौक रामनगर जोड्ने श्रवणपथ सडक बिस्तार, तिलोत्तमा चक्रपथ निर्माण, राजमार्ग चौराहदेखि प्रस्तावित बुटवल मेडिकल हुँदा शिवनगर तपाहा जोड्ने सडक, पाल्पाको दरवार, रामापिथेकश र रानीमहल, गुल्मीको रुरु, रेसुंगा, दाड.को धारापानी लगायतमा पूर्वाधार विकास र पर्यटन प्रवद्धन कार्यक्रम,७ अर्ब लागतको उजीरसिंह रंगशाला निर्माण सुरु, सेमलारमा अन्तर्राष्ट्रियस्तरको अत्याधुनिक कभर्ड हल निर्माण, खेलकुदको विकासमा एक स्थानीय तह एक खेलमैदान कार्यक्रम सुरु, लुम्बिनी प्रादेशिक अस्पताललाई विशेषज्ञ अस्पतालमा स्तरोन्नति र व्यवस्थापन, सबै जिल्ला अस्पताललाई १०० बेडमा स्तरोन्नति, .सुत्केरी, गर्भवती र ज्येष्ठ नागरिकलाई निशुल्क एम्बुलेन्स, हरेक जिल्ला अस्पतालमा आइसीयु, एचडियु र सल्यक्रिया गर्ने क्षमतामा बिस्तार, किसानलाई विनाधितो निब्यार्जे ऋणको सुरुवात, कृषिको बजारीकरणलाई हरेक जिल्लामा कृषि सहकारी बजार, कृषि उत्पादनमा आधारित अनुदान दिन सुरुवात, स्मार्ट कृषि गाउको सुरुवात, भूमिहीनलाई लीजमा खेतयोग्य जग्गा, हरेक जिल्लामा कृषि चिस्यान केन्द्र स्थापनालगायतका कार्यक्रम शुरु गरेर प्रदेश सरकारलाई स्थापित बनाउन थालिएको बताए ।
हरेक जिल्लामा बीउको स्रोत केन्द्र स्थापना, साना उद्योगीलाई विना धितो निब्यार्जे ऋण, महिला, दलित, द्धन्द्धपीडितलाई उद्योग दर्तामा छुट, प्रकोपमा परेकाको संरक्षणमा हरेक पालिकामा एक बहुउद्धेश्यिय भवन, गाउपालिकामा मुख्यमन्त्री ग्रामिण विकास कार्यक्रमको सुरुवात, द्धन्द्धपीडित, पीडछा, मधेशी र मुस्लिम छात्रालाई कक्षा ११ र १२ मा छात्रवृत्ति, सडक मानवमुक्त प्रदेश स्थापनाको सुरुवातलगायतका कार्यक्रमलाई आफूले प्राथमिकताका साथमा उठाएको बताए ।
