बुटवलको तामनगरमा सवारी दुर्घटना हुँदा मालिका गाउँपालिकाका २ जनाको मृत्यु इजलासमा बालकृष्ण खाणसँग गरिएका २४ सवाल-जवाफ सुनौलो सहकारीले गर्न थाल्यो बचतकर्ताको बचत भुक्तानी आइएलएस संचालनपछि भैरहवा विमानस्थलमा डाइभर्ट जहाज अवतरण गर्न मिल्ने शिव शिखर सहकारीका सञ्चालक शर्माकी श्रीमतीले चढ्थिन् साढे २ करोडको कार बुटवलमा अनेरास्ववियु द्वारा राष्ट्रपति र प्रधानमन्त्रीको बुख्याचामा जुत्ता प्रहार लुम्बिनी केवलकारको गम्भिर लापरबाहीः यात्रु बीचमै रोकिए मोदीले भैरहवालाई हवाई रूटको विषयमा एक शब्द पनि उच्चारण गरेनन् सम्झौता भएको १८ वर्षपछि बेलहियामा आइसिपी निर्माणको शिलान्यास गौतमबुद्ध अन्तर्राष्ट्रिय विमानस्थलमा इन्स्ट्रुमेन्टल ल्याण्डिङ सिस्टम सञ्चालन गर्ने बाटो खुल्यो                
समाचार :

रुपन्देही २ मा गठबन्धनको भोट अब कसलाई ? छलफलमा गठबन्धन

गठबन्धनको मत रुपन्देही क्षेत्र नम्बर २ मा  कता जाला भन्ने चासो  धेरैको छ।

अर्कातिर निकोलस भनिने डा. कमल भुसाल हाम्रो नेपाली पार्टीबाट उम्मेदवार बनेका थिए। उनले पनि निकै अघिदेखि चुनावी तयारी गरेका थिए।

काठमाडौंका मेयर बालेन साहकै शैलीमा उनलेे चुनावी प्रचार गरेका थिए। भुसालले युवा पुस्ताको मत तान्न सक्ने अनुमान गरिएको थियो।

तर राजु गुरुङसँगै भुसालको पनि उम्मेदवारी खारेज भएको सूचनम २५ असोजमा निर्वाचन अधिकृतको कार्यालयले निकालेको थियो।

सरकारबाट छात्रवृत्तिमा चिकित्सा शास्त्र पढ्दा सरकारी कोषबाट रकम लिएको ठहरिने भन्दै उनको उम्मेदवारी खारेज भएको थियो।

भुसाल पनि उम्मेदवारी खारेजको निर्णयविरुद्ध सर्वोच्च गएका थिए। उनको मुद्दामा प्रारम्भिक सुनुवाइ हुँदा अन्तरिम आदेश आएन। सर्वोच्चले बिहीबार निर्वाचन आयोगका नाममा कारण देखाऊ आदेश मात्रै दियो। त्यहीकारण उनको उम्मेदवारी कायम भएको छैन।

भुसालको रिटमा थप आदेशका लागि छलफल गर्न कात्तिक १५ गते दुवै पक्षलाई सर्वोच्च अदालतले बोलाएको छ।

अदालतले अब १५ गते भुसालको पक्षमा आदेश दिएमा विष्णु पौडेलको चुनौती यथावत रहन सक्ने विश्लेषण गरिएको छ। भुसालको उम्मेदवारी कायम भएमा  गठबन्धनको भोट तान्न सक्नेछन्।

बिहीबार अन्तरकालीन अन्तरिम आदेशसमेत नआएकाले अन्तरिम आदेश उनकै पक्षमा आइहाल्ने सम्भावना कम छ।

प्रतिनिधि सभा सदस्यको लागि रुपन्देही क्षेत्र नम्बर २ बाट १८ जनाले उम्मेदवारी दिएका थिए।

गुरुङ र भुसालसँगै हिमाल बस्यालको पनि उम्मेदवारी खारेज भएको थियो। तर उनी कानुनी उपचारमा गएनन्, उनको चर्चा पनि भएन।

बाँकी उम्मेदवार
यो क्षेत्रमा विष्णु पौडेलसहित १५ जनाको उम्मेवारी कायम भएको निर्वाचन अधिकृतको कार्यालयले जनाएको छ।

जसमा ७ जना दलीय र ८ जना स्वतन्त्र उम्मेदवार छन्। तर अहिलेको चुनावी माहोलअनुसार पौडेललाई टक्कर दिने कोही देखिएका छैनन्। यस्तो अवस्थामा गठबन्धनलाई जाने मत बाँडिन सक्छ।

दलका तर्फबाट नेपाल मजदुर किसान पार्टीका हरिसुन्दर बासी उम्मेदवार छन्। यो दलको संगठन यहाँ बलियो छैन। गठबन्धन उम्मेदवार नहुँदा उनले केही बढी मत तान्न सक्छन्।

राष्ट्रिय जनमुक्ति पार्टीका उम्मेदवार केशवबहादुर थापा मगरले जनजाति समुदायको बढी मत तान्न सक्छन्।

कांग्रेस बिपीकी नमादेवी गौतम जैसी पनि उम्मेदवार छिन्।गठबन्धनको उम्मेदवार नहुँदा उनले कांग्रेसको केही मत तान्न सक्ने अनुमान छ।

रवि लामिछाने नेतृत्वको राष्ट्रिय स्वतन्त्र पार्टीको पनि पछिल्लो समय चर्चा भएको छ। यो पार्टीबाट गणेश पौडेल उम्मेदवार छन्। अहिलेसम्म चुनावी मैदानमा उपस्थिति खासै देखिएको छैन।

तर पनि रविप्रतिको क्रेजले गठबन्धनको कतिपय भोट स्वतन्त्र पार्टीको घण्टी चिन्हले पनि तान्न सक्छ।

त्यस्तै मंगोल नेशनल अर्गनाइजेसनका दीपक थापा र नेपाल दलित पार्टीका राजु शाही पनि उम्मेदवार छन्। यी दुई पार्टीको यहाँ नगन्य मत आउन सक्छ।

स्वतन्त्र उम्मेदवार रुपसिंह थापा तत्कालीन अवस्थामा शाही शासनको बेला भएको चुनावमा बुटवलको मेयर भएका थिए। उनको कार्यकाल धेरै लामो भएन।

अन्य स्वतन्त्र उम्मेदवारहरुमा सुरेन्द्र भारी, टोपनारायण पौडेल, केशव बस्याल, विष्णु विश्वकर्मा, तुल्सीराम यादव र तारा घिमिरे छन्। तर उनीहरूको चर्चा खासै छैन।

कसलाई समर्थन?

आफ्नो तर्फबाट उम्मेदवार नहुँदा सत्ता गठबन्धनले अर्को कुनै उम्मेदवारलाई समर्थन गर्न सक्ने कांग्रेस रुपन्देही २ का क्षेत्रीउ सचिव विमलराज भट्टराईले बताए।

‘हामीलाई राजु गुरुङकै उम्मेदवारी कायम हुन्छ भन्ने विश्वास थियो। तर अदालतको आदेशपछि अब गठबन्धनले छलफल गरेर निर्णय लिन्छ,’ उनले भने, ‘जोसँग बढी मत छ, स्वच्छ र विचार मिल्ने उम्मेदवारलाई समर्थन गरेर जान सकिन्छ।’

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार