बाँकेमा बसको ठक्करबाट एक महिलाको मृत्यु, घटनास्थलमा तनाव सिद्धार्थ राजमार्गअन्तर्गत दोभान क्षेत्रको कालोपत्र गुणस्तर नपुगेको भन्दै उप्काउन थालियो लुम्बिनीका ‘धनी सांसद’मा नैतिकताको खडेरी (ईन्फोग्राफिक्स सहित) तिलोत्तमा–५ मा का सडक वत्ती जडान गर्दा भेटियो ‘अनियमितता’ लियो सिद्धबाबाको रक्तदानमा ४५ यूनिट संकलन तिलोत्तमाबाट देखिएको खुलेको आकाश (फोटो फिचर) धेरै भूभागमा पानी पर्दै, अबको ३ दिन कता-कता छ भारी वर्षाको सम्भावना? बुटवल बसपार्कमा सुविधासम्पन्न स्नानगृह सञ्चालनमा सभामुख न मन्त्री, ओलीले किन काटे छविलाल विश्वकर्माको नाम ? रुपन्देहीमा एक हप्तामा ३१ हजार सवारी चालकलाई लेन अनुशासन शिक्षा                
समाचार :

देवदहमा पाँच दलीय गठबन्धको क्षेत्रीय भेला

बुटवल । रुपन्देहीको क्षेत्र नं. १ मा सत्तारुढ पाँच दलीय गठबन्धनका उम्मेद्वारलाई जिताउने रणनीति अनुसार क्षेत्र नं. १ का ३३ वटै वडामा विहीबार संयुक्त बैठक तथा छलफल गरिएको छ ।
त्यस्तै एकीकृत समाजवादी क्षेत्र नं. १ ले रुपदेहीको देवदहस्थित भवानीपुरमा आयोजना गरेको क्षेत्रीय भेलामा गठबन्धनका प्रतिनिधि सभा सदस्यका उम्मेद्वार नेता घनश्याम भूसाल, प्रदेश सभा (क) का उम्मेद्वार विश्वनाथ यादव, (ख) का अब्दुल रज्जाक तथा अगुवा नेता कार्यकर्ताले धारणा राखेका थिए ।
भेलालाई सम्बोधन गर्दै नेता भुसालले नेकपा एमालेमा अध्यक्ष केपी शर्मा ओलीले छायामा पारेका कयौं असन्तुष्ट एमाले नेता कार्यकर्ताहरुलाई साथमा लिएर जाने प्रतिबद्धता जनाए । लोकतन्त्र बलियो बनाउन परिवर्तनकारी शक्तिहरु एकजुट हुनुपर्ने उनले औंल्याए । उनले लोकतन्त्र बलियो भएमात्र देश र जनताले समृद्धिको चाहना पुरा गर्ने उल्लेख गरे । गठबन्धनका उम्मेद्वारले निर्वाचन जितेमात्र क्षेत्र नं. १ मा विकासका धेरै बाटहरु खुल्ने उनको भनाई थियो ।
प्रदेश सभा (ख) का उम्मेद्वार अब्दुल रज्जाकले यस क्षेत्रको विकासमा आफूले सक्दो प्रयास गरेको र त्यसको मूल्याङ्कन गरेर यसपटक पनि गठबन्धनका उम्मेद्वारलाई जनताले जिताउने विश्वास ब्यक्त गरे ।
प्रदेश सभा (क) का उम्मेद्वार विश्वनाथ यादवले क्षेत्र नंं. १ को समग्र विकासको लागि पाँच दलीय गठबन्धनका उम्मेद्वारले जसरी पनि जित्नुपर्ने आवश्यकता औंल्याए । आफूहरुलाई बिजयी गराउन उनले जनतासमक्ष आग्रह गरे ।
कार्यक्रम एकीकृत समाजवादीका नेता सिद्धिचरण भट्टराई, टंक पोखरेल लगायतले पनि धारणा राखेका थिए । देवदहबाहेका सबै वडापालिकाहरुमा गठबन्धनको बैठकहरु सम्पन्न भएका निर्वाचन परिचालन समितिका संयोजक हिरा केसीले जानकारी दिए ।

तिनाउ न्युज

तिनाउ न्युज डटकम बुटवल बाट प्रकाशित हुने अनलाइन पत्रिका हो !

लेखक बाट थप

प्रतिक्रिया दिनुहोस !

सम्बन्धित समाचार