बुटवल । निर्वाचन आयोग विरुद्ध सर्वोच्च अदालत पुगेका रुपन्देही क्षेत्र नं. २ बाट हाम्रो नेपाली पार्टीका उम्मेदवार कमल भुसाललाई सर्वोच्च अदालतले अन्तरिम आदेश दिन ईन्कार गरेको छ । हाम्रो नेपाली पार्टीबाट उम्मेदवार बनेका भुसालले नेपाल सरकारले उपलब्ध गराएको छात्रवृत्ति कोटामा चिकित्साशास्त्र अध्ययन गरिरहेकोले सरकारबाट आर्थिक लाभ लिइरहेको भन्दै निर्वाचन आयोगमा उजुरी परेको थियो । सोहि उजुरीपछि निर्वाचन आयोगले भुसालको उम्मेदवारी खारेज गरेको थियो। उम्मेदवारी खारेजपछि भुसालले सर्वोच्च अदालतमा रिट निवेदन दर्ता गर्नुभएको थियो । उक्त रिटमाथी विहिबार भएको सुनुवाईमा सर्वोच्च अदालतले अन्तरिम आदेश दिन ईन्कार गरेको हो ।