नेपाल निजामती कर्मचारी संगठन रुपन्देहीले तिलोत्तमा नगरपालिकामा कार्यरत स्वास्थ्यकर्मीले लामो समयदेखि तलब नपाएको भन्दै यथाशीघ्र समस्या संबोधन गर्न माग गरेको छ ।
संगठनले एक विज्ञप्ती जारी गर्दै भोको पेटले काम र्ग नसक्ने भन्दै लामो समयदेखिको तलव तत्काल उपलव्ध गराउन ध्यानाकर्षण गराएको हो । संगठनका जिल्ला अध्यक्ष प्रेमप्रसाद खनाल र सचिव जीवन पौडेलद्वारा जारी विज्ञप्तीमा स्थायी सरकारको रुपमा अहोरात्र सेवा प्रवाहमा खटिने राष्ट्रसेवक कर्मचारीहरुको गुनासो तत्काल संबोधन गर्न माग गरिएको हो ।
एउटै कार्यक्षेत्रमा काम गरिरहेका कर्मचारीलाई समान व्यवहार नगरी पारिश्रमिक रोक्नु अमानवीय र गैरन्यायिक हुने भएकाले कर्मचारीलाई समान व्यवहार गर्न, आन्दोलनमा जानबाट रोक्न स्थायी समाधानका लागि सम्बन्धित क्षेत्रको ध्यानाकर्षण गराइएको छ । संगठनले स्वास्थ्यकर्मीहरुले थालेको आन्दोलनप्रति ऐक्यवद्धता समेत जनाएको छ । नगरपालिकामा कार्यरत स्वास्थ्यकर्मीलगायत कर्मचारीहरुबाट हुने थप आन्दोलन र विरोधका कार्यक्रमप्रति संगठनको सधै साथ र सहयोग हुने भन्दै विज्ञप्तीमा यसबाट पर्न जाने असरको जिम्मेवार सम्बन्धित पक्ष नै हुने उल्लेख गरिएको छ ।
तिलोत्तमा नगरपालिकाका ७७ जना स्थायी स्वास्थ्यकर्मीहरुले तलव खान पाएनन्
