गत मंसिर ४ गते सम्पन्न प्रदेश र प्रतिनिधिसभा निर्वाचनमा रुपन्देही क्षेत्र नंं २ बाट निर्वाचित विष्णु पौडेलले चुनावमा २२ लाख बढि खर्च भएको भन्दै विवरण बुझाएका छन् ।
आयोगमा बुझाएको खर्च विवरण अनुसार एमालेका उपाध्यक्ष समेत रहेका पौडेलले गरेको निर्वाचन कुल खर्च २२ लाख ४५ हजार ८७६ रुपैयाँ छ ।
उक्त खर्च विवरणमा सबैभन्दा धेरै छापा एवं विद्युतीय माध्यममा देखाएका छन ।
९ लाख २० हजार ८ सय ७६ छापा एवं विद्युतीय माध्यममा, ३ लाख ३५ हजार सवारी साधन भाडामा, प्रचार सामाग्रीमा २ लाख २५ हजार, ढुवानीमा ७१ ह्जार, गोष्ठी अन्तरक्रिया र कार्यकता परिचालनमा २ लाख ७७ हजार, कार्यालय सञ्चालनमा ३ लाख ८५ हजार र विविमा १० हजार गरी कुल २२ लाख ४५ हजार ८७६ रुपैयाँ खर्च भएको विवरण आयोगमा बुझाएका छन् ।
त्यस्तै क्षेत्र नं. ५ बाट निर्वाचित एमालेका बासुदेव घिमिरेले कुल २७ लाख ८९ हजार ५ सय २० रुपैयाँ खर्च भएको विवरण बुझाएका छन् । क्षेत्र नंं १ बाट निर्वाचित एमालेका सचिव तथा पूर्वमन्त्री छविलाल विश्वकर्माले १९ लाख ९७ हजार १ सय ३७ रुपैयाँ खर्च विवरण बुझाएका छन ।
