बुटवल । नेपाल स्वयंसेवी रक्तदाता समाजको चौथो अधिवेशन बुटवलमा हुने भएको छ । बैशाख १६ र १७ गते दुई दिन केन्द्रिय अधिवेसन हुने भएको हो ।
मंगलबार बुटवलमा पत्रकार सम्मेलन गरि केन्द्रीय अध्यक्ष प्रेम सागर कर्माचार्यले अधिबेशनमा ३४ जिल्ला शाखाका ७७ कमिटिका प्रतिनिधीहरुको सहभागिता हुने बताए । साथै उनले आफनो अनुवाईमा रक्तदान अभियानका स्वयंसेवीहरु जोडेर संस्था स्थापना गरेको बताउंदै अब सरकारले रगतलाई निशुल्क बनाउनुपर्ने बताए ।
नेपालमा निशुल्क रगत उपलब्ध गराउन जम्मा २५ करोड बजेट आवश्यकता पर्ने भन्दै उनले स्वयसेवीले निशुल्क दिएको रगतमा सरकारले लागत मुल्यभन्दा दोव्वर बढाएर रगत विक्रि गर्ने गरेको बताए । एक युनिट रगत चेकजांचका लागि जम्मा २७७ रुपैयां लागत पर्ने उनको भनाई छ । उहांले रगतको समस्याको विषयमा धेरै कठिनाई पार गर्दै अहिलेको अवस्थामा पुगेको बताए ।
कार्यक्रममा रुपन्देही शाखाको अध्यक्ष तथा अधिवेशन संयोजक कृष्ण चौहान क्षेत्रीले नमुना जिल्लाको पहिचान बनाएको रुपन्देहीमा केन्द्रीय अधिवेशनको तयारी तिब्र पारिएको बताए । प्रत्येक शनिबार नियमित रक्तदानअभियानमार्फत १ सय २१ पटक आयोजना गरि २५ हजार युनिट रगत संकलन रुपन्देहीले गरेको उनले बताए ।
रक्तदाताबाट निशुल्क रगतको बिरामीले मुल्य तिर्नुपर्नु अवस्थाको अन्त्यका लागि अभियान चलाएर धेरै स्थानिय, प्रदेशमा सफल भएको उनको भनाई छ ।