गौतमबुद्ध अन्तराष्ट्रिय विमानस्थलका विषयमा बिमानस्थल सन्चालनका बिषयमा बिमानस्थलका महाप्रवन्धकले गलत रिर्पोटीङ गरेपछि पत्रकार र महाप्रवन्धक बिच चर्काचर्की परेको छ।
बिमानस्थलको जानकारी लिन आएकी नवनियुक्त संस्कृति,पर्यटन तथा नागरिक उड्यन राज्यमन्त्री सुशिला सिर्पाली ठकुरीलाई बिमानस्थलका महाप्रवन्धक हंसराज पाण्डेले भैरहवा तथा विमानस्थल एयरपोर्ट आसपासमा प्रयाप्त होटल नहुंदा विमानस्थल सुचारु गर्न नसकिएको बताएका थिए।
पाण्डेले मन्त्रीलाई उक्त रिर्पोटिङ गरे लगत्तै त्यहा रहेका पत्रकारहरुले महाप्रवन्धक पाण्डेलाई थर्काएका थिए। पत्रकारहरुले आफ्नो गल्ती ढाक छोप गर्न भैरहवाको बारेमा गलत व्रिफिङ्ग किन? गरेको भनेर प्रश्न गरेपछि पाण्डे हायल कायल भएका थिए।
पत्रकारले पाण्डेको गलत ब्रिफिङ सच्याउनु पर्ने भन्दै प्रतिवाद गरेपछि उक्त रिर्पोटलाई सच्याउने बताएका थिए।
पाण्डेलाई पत्रकारहरुले लुम्बिनी र भैरहवा गरी करीब ५ हजार ब्यक्ति राख्न सक्ने क्षमताका होटलहरु भएको भन्दै बस्तुस्थी बुझेर मात्र ब्रिफिङ गर्न चेतावनी दिएका थिए।
होटल व्यवसायीहरु यस आसपासमा होटल तथा रेष्टुरेन्टहरुमा ३० अर्व भन्दा बढी लगानी भएको र विमानस्थललाई आधार बनाएर पछिल्लो समय होटलमा मात्र यहांका व्यवसायीले थप ४० अर्ब बढी लगानी गरेको बताउदै आएका छन्।
